როგორც ჩინეთის აეროკოსმოსური მეცნიერებისა და ტექნიკის კორპორაციაში ამბობენ, 2017 წელს ჩინეთი ორბიტაზე გაუშვებს ღამის სათვალთვალო თანამგზავრს. აპარატი, რომლის სახელწოდებაა “ლოძია-1”, დედამიწის გადაღებას ღამითაც შეძლებს.
მასზე დაამონტაჟებენ მაღალი მგრძნობელობის ფოტოტექნიკას, რომელიც ჩაბნელებული ტერიტორიების უმაღლესი ხარისხის ფოტოებს მოგვცემს. ეს სისტემა ბევრად უკეთესია თავის ანალოგებზე, რომლებიც ამერიკულ თანამგზავრებზეა დაყენებული.
ამას გარდა, ორ წელიწადში იგეგმება “ლოძია-2”-ის კოსმოსში გაშვება, რომელსაც ექნება ძლიერი რადარი დედამიწის გარკვეული ადგილების რელიეფსა და დედამიწის ზედაპირზე მიმდინარე ცვლილებების შესახებ მონაცემთა მისაღებად.
ცოტა ხნის წინათ ცნობილი გახდა, რომ ჩინეთმა, მსოფლიოში პირველმა, კვანტური კავშირის თანამგზავრ “მო-ძი”-ს გამოყენება დაიწყო.
