როგორ აღნიშნეს ბრიტანელებმა ახალი წლის დადგომა
ინგლისი განთქმულია პაბებითა (ლუდხანებით) და ამ დაწესებულებების სტუმრებით, რომლებიც ყოველ პარასკევს, ტრადიციულად, ქუჩებს მხიარული შეძახილებით, ჩხუბითა და ნარწყევით ავსებენ. გასაკვირი არ არის, რომ ახალი წლის ღამეს ბრიტანელებმა კვლავ უჩვენეს მსოფლიოს, როგორ უნდა დასვენება და გართობა. Ruposter Life–მა გამოაქვეყნა ფოტოები, რომლებზეც ასახულია, როგორ ატარებენ დროს ინგლისელი ჯენტლმენები და ქალბატონები.
ქუჩებში იშვიათი არ იყო მთვრალი მამაკაცებისა და ქალების ჩხუბიც კი. პოლიციელები შესაძლებლობის მიხედვით ცდილობდნენ შფოთისთავების გაშველებას.
საზოგადოებრივ წესრიგს საფრთხეს უქმნიდა არა მხოლოდ ქალების სიმთვრალე, არამედ მათი გარეგნობაც (სამოსი).
შეზარხოშებული ქალბატონები იოლი ნადავლი ხდებოდნენ მათთვის, ვინც სარეცლის გამზიარებელს ეძებდა ახალი წლის ღამეს.
სხვა ბრიტანელები და ნისლიანი ალბიონის სტუმრები ისე დათვრნენ, რომ, არა მხოლოდ ორიენტაცია, სახეც კი დაკარგეს.
ტაივანელმა მამის დაკრძალვაზე სტრიპტიზის 50 მოცეკვავე დაიქირავა
ტაივანელი მაღალჩინოსნის ვაჟმა დუნ გო ჩენმა სტრიპტიზის 50 მოცეკვავე დაიქირავა, რათა მამის დაკრძალვის პროცესიის მიმდინარეობისას ეცეკვათ, _ იუწყება Daily Mail–ი. მამაკაცის თქმით, მამამისს ძალიან უყვარდა ცხოვრება და ამ ჟესტს დააფასებდა.
გამოსათხოვებელ პროცესიაში მონაწილეობდა ნახევრად შიშველი მოცეკვავე ქალებით სავსე 50 ჯიპი, რომლებსაც მისდევდა კიდევ 150 ავტომობილი. ამ უჩვეულო კარნავალის გამო გზა, რომლის გავლასაც 10 წუთი სჭირდება, 2 საათის განმავლობაში იყო გადაკეტილი. 76 წლის კორეელი ტანგ სიანი, რომელსაც მიუძღვნეს ეს საზეიმო თუ სამგლოვიარო ცერემონია, 14 დეკემბერს გარდაიცვალა, მაგრამ 3 იანვარს დაკრძალეს.
