ამერიკის შეერთებული შტატების ახალარჩეულმა პრეზიდენტმა დონალდ ტრამპმა ვიდეომიმართვა გაავრცელა, რომელშიც პრეზიდენტობის პირველი 100 დღის განმავლობაში საიმიგრაციო პოლიტიკის, ვაჭრობისა და თავდაცვის მიმართულებით გასატარებელი ღონისძიებების შესახებ საუბრობს.
“ვაპირებ, გამოვცე ბრძანება ტრანს-წყნარი ოკეანის პარტნიორობის შეთანხმებიდან გამოსვლის შესახებ. აღნიშნული შეთანხმება ჩვენი ქვეყნისთვის პოტენციურ კატასტროფას წარმოადგენს. ამის ნაცვლად მოლაპარაკებებს ჩავატარებთ ორმხრივი სავაჭრო შეთანხმებების შესახებ, რომლებიც აშშ-ს სამუშაო ადგილებსა და წარმოებას დაუბრუნებს”, _ განაცხადა დონალდ ტრამპმა და, რომ გარემოს დაცვის მიმართულებით მისი წინამორბედის მიერ დაწყებულ რეფორმებს განაგრძობს.
ტრანს-წყნარი ოკეანის პარტნიორობა სავაჭრო შეთანხმებაა, რომელსაც ხელი აზია-წყნარი ოკეანის რეგიონის 12 ქვეყანამ შარშან, თებერვალში მოაწერა. აღნიშნული შეთანხმების მიზანი სატარიფო ბარიერების შემცირება და შეთანხმების მონაწილე ქვეყნებში შრომითი კანონმდებლობის, ეკოლოგიისა და ინტელექტუალური საკუთრების სფეროებში შიდა წესების რეგულირებაა.