უკრაინის სურსათის უვნებლობისა და მომხმარებელთა უფლებების დაცვის სახელმწიფო სამსახურმა განაცხადა, რომ ბოლო რამდენიმე კვირის განმავლობაში ფალსიფიცირებული ალკოჰოლის გამო მოწამვლის 140 შემთხვევა აღირიცხა, მათგან 63 ფატალურად დასრულდა.
ყველაზე მეტი მსხვერპლი ქალაქ ხარკოვში აღირიცხა _ დაიღუპა 49 ადამიანი. სასამართლო-სამედიცინო ექსპერტიზის მონაცემების მიხედვით, გარდაცვლილთაგან 37-ს სისხლში მეთილის სპირტი აღმოაჩნდა.