სოციალურ ქსელში მორიგი სკანდალური ფარული ჩანაწერი ვრცელდება, რომელშიც სავარაუდოდ საქართველოს ექს–პრეზიდენტის მიხეილ სააკაშვილისა და “ნაციონალური მოძრაობის” რამდენიმე წევრს შორის საუბარია ასახული. ოდესის გუბერნატორი აკაკი მინაშვილს, პეტრე ცისკარიშვილს, ნუგზარ წიკლაურსა და გიგი წერეთელს ესაუბრება “რევოლუციურ სცენარზე“. უცნობია, აუთენტურია თუ არა ჩანაწერი, სად ან როდისაა ის ჩაწერილი.
ოდესის გუბერნატორი სოციალურ ქსელში გავრცელებულ ფარულ ჩანაწერს ფეისბუქის პირად გვერდზე ეხმაურება:
“ასეთი უნიჭო მონტაჟებით სურს ივანიშვილს თავისი გარდაუვალი დამარცხების თავიდან აცილება? ჩვენი ხალხის გასულელება არ გამოუვა!” – წერს მიხეილ სააკაშვილი ფეისბუქის გვერდზე.
ვიდეო: https://www.youtube.com/watch?v=CFrmGSZnpHs
კონსტანტინე ჩიკვილაძე
