წლის ბოლომდე აშშ-ის სახელმწიფო ვალი კიდევ უფრო მოიმატებს და ქვეყანა კვლავ აღმოჩნდება დეფოლტის წინაშე, რომელიც 2011-12 წლებში საგანგებო ზომების მიღებით აიცილა.
აშშ-ის ფინანსთა სამინისტროს განცხადებით, 2016 წლის მეორე ნახევარში ქვეყნის სახელმწიფო ვალი 383 მილიარდით მოიმატებს. ვალის მომატებას ფინანსთა სამინისტრო შემოსავლების შემცირებით ხსნის. აღსანიშნავია ისიც, რომ მიმდინარე წლის II კვარტალში აშშ-ის მთლიანი შიგა პროდუქტის რეალურმა მატებამ მხოლოდ 1,2% შეადგინა.
აშშ-ის კრედიტორებს შორის პირველ ადგილზეა იაპონია, მეორეზე _ ჩინეთი.
