ერაყის დედაქალაქ ბაღდადში მომხდარი აფეთქების შედეგად დაღუპულთა რაოდენობა 213-მდე გაიზარდა, დაშავებულთა რიცხვი კი 225-ია. იუწყება “ბი–ბი–სი.”
2 ივლისს ბაღდადის ცენტრალურ რაიონშ კარადაში სატვირთო მანქანა აფეთქდა, რომელზეც მიმაგრებული იყო ასაფეთქებელი მოწყობილობები. მეორე ბომბი კი პირველი აფეთქებიდან რამდენიმე საათში, გვიან ღამით, ერაყის დედაქალაქის ჩრდილოეთით, შიიტებით დასახლებულ რაიონში ამოქმედდა, რამაც კიდევ 5 ადამიანი იმსხვერპლა.
უმეტესად შიიტებით დასახლებული რაიონი ღამით, წმინდა თვის რამადანის გამო მაღაზიებში საყიდლებზე გასული ხალხით იყო სავსე. ეს აფეთქება ამ წელს ყველაზე მომაკვდინებელი და საზარელი აღმოჩნდა.
ერთი კვირის წინათ ერაყის უშიშროების ძალებმა “ისლამური სახელმწიფოსგან” ქალაქი ფალუჯა გაათავისუფლეს და კვლავ აღადგინეს მასზე კონტროლი, რამაც ხელისუფლების განცხადებით, “ისლამური სახელმწიფოსაგან” ბაღდადზე თავდასხმები გამოიწვია.
