ევროპარლამენტის ვიცესპიკერმა რიშარდ ჩარნეცკიმ განაცხადა, რომ, დიდ ბრიტანეთში ჩატარებული რეფერენდუმის შედეგების გამო, ევროკავშირის ლიდერები უნდა გადადგნენ, _ იუწყება „რადიო პოლონეთი“.
ჩარნეცკის თქმით, რეფერენდუმის შედეგებისთვის ევროკავშირის სტრუქტურების წარმომადგენლები არიან პასუხისმგებელნი, ამიტომ პოსტებზე უარი უნდა თქვან. თანამდებობიდან უნდა წავიდნენ ევროპული საბჭოს პრეზიდენტი დონალდ ტუსკი, ევროკომისიის პრეზიდენტი ჟან-კლოდ იუნკერი და ევროპარლამენტის პრეზიდენტი მარტინ შულცი.
