„ისლამური სახელმწიფოს“ ლიდერი აბუ ბაქრ ალ–ბაღდადი სირიაში აშშ–ის ხელმძღვანელობით საერთაშორისო კოალიციის ავიაიერიშის შედეგად დაიღუპა. ამ ინფორმაციას გამოცემა Mirror–ი ტერორისტულ ორგანიზაციასთან დაკავშირებულ საინფორმაციო სააგენტოზე დაყრდნობით ავრცელებს.
სხვა წყაროების მიერ გავრცელებული ინფორმაციით კი, „ისლამური სახელმწიფოს“ ლიდერი ერაყის ქალაქ მოსულში, ტერორისტული დაჯგუფების კონტროლს დაქვემდებარებულ ქალაქში, დაიღუპა.
2011 წლის 4 ოქტომბერს აშშ სახელმწიფო დეპარტამენტმა ალ-ბაღდადი მსოფლიო მნიშვნელობის ტერორისტად გამოაცხადა და მის შეპყრობაში ან მოკვლაში დახმარებისთვის ჯილდოდ 10 მილიონი აშშ დოლარი დააწესა.