ევროპარლამენტარის ულტიმატუმი: სანამ საქართველოსთან უვიზო რეჟიმი ამოქმედდება, მერაბიშვილი და უგულავა უნდა გათავისუფლდნენ

არჩევნები მოახლოვდა და სააკაშვილის პირსისხლიანი რეჟიმის დასავლელი მხარდამჭერები და ლობისტები გაააქტიურდნენ, თანაც ისე, რომ საქართველოს ხელისუფლებას დაუფარავად კარნახობენ, როგორ უნდა მოიქცნენ და რა გააკეთონ, ქართველი ხალხის აზრი კი ჩირადაც არ უღირთ. ამის ნათელი დადასტურებაა ევროპის სახალხო პარტიის წევრის განცხადება, რომლის თარგმანიც ტელეკომპანია “იმედმა” გაავრცელა:

ევროპის სახალხო პარტიის წევრმა იაცეკ საირუშ ვოლსკიმ ბრიუსელში ქართველ ჟურნალისტებთან საუბრისას განაცხადა, რომ სანამ საქართველოსთან უვიზო რეჟიმი ამოქმედდება, მერაბიშვილი და უგულავა უნდა გათავისუფლდნენ.

როგორც სახალხო პარტიის დეპუტატმა აღნიშნა, მოითხოვს, რომ საქართველოს უვიზო მიმოსვლის საკითხი არჩევნების დასრულებამდე გადავადდეს.

“ქართველი ხალხი იმსახურებს უვიზო რეჟიმს, მაგრამ საქართველოს მთავრობა ჯერ კიდევ არღვევს ევროპულ სტანდარტებს. არის პოლიტიკური ნიშნით ადამიანების დაკავების შემთხვევები, მაგალითად, ყოფილი პრემიერმინისტრის, ყოფილი თავდაცვის მინისტრის და თბილისის ყოფილი მერის. ადგილი აქვს დამოუკიდებელი ტელევიზიის _ “რუსთავი 2”-ის შევიწროებას. ასე რომ, სანამ უვიზო რეჟიმი ამოქმედდება და საპარლამენტო არჩევნები ჩატარდება, საქართველომ ეს სტანდარტები უნდა გააუმჯობესოს. მხოლოდ ამის შემდეგ დაიმსახურებს საქართველო უვიზო რეჟიმს. ამისთვის კი უნდა გათავისუფლდნენ პოლიტპატიმრები. ჩვენ ვითხოვთ მერაბიშვილისა და უგულავას გათავისუფლებას, ასევე “რუსთავი 2”-ის მიმართ სამართლიანი გადაწყვეტილების მიღებას”, _ განაცხადა იაცეკ საირუშ ვოლსკიმ.