მთავარი ყველაზე ყველაზე 8 ყველაზე მასშტაბური და სისხლისმღვრელი ბრძოლა მეორე მსოფლიო ომში

8 ყველაზე მასშტაბური და სისხლისმღვრელი ბრძოლა მეორე მსოფლიო ომში

915
გააზიარეთ
სტალინგრადის ბრძოლა

მეორე მსოფლიო ომი, რომელიც 1939 წლის 1 სექტემბერს დაიწყო და 1945 წლის 2 სექტემბერს დასრულდა, კაცობრიობის ისტორიაში ყველაზე სისხლისმღვრელი შეიარაღებული დაპირისპირება იყო. საომარი მოქმედებები, რომლებშიც ჩართული იყო 62 სახელმწიფო იმხანად არსებული 73-დან, მიმდინარეობდა ევროპის, აზიის, აფრიკის კონტინენტებსა და ყველა ოკეანეში. ამ ომმა 71,1 მლნ ადამიანის სიცოცხლე შეიწირა. დიდი სამამულო ომი კი 1941 წლის 22 ივნისს დაიწყო და 1945 წლის 9 მაისს დასრულდა. გთავაზობთ მეორე მსოფლიო ომის ყველაზე მასშტაბურ და სისხლისმღვრელ ბრძოლებს.

  1. სტალინგრადის ბრძოლა

17 ივლისი, 1942 წ. _ 2 თებერვალი, 1943 წ.

სტალინგრადის ბრძოლა ყველაზე სისხლისმღვრელი დაპირისპირებაა მსოფლიო ისტორიაში. მდინარე ვოლგაზე მდებარე ამ ქალაქს გერმანელმა ფაშისტებმა რამდენიმე არმიით შეუტიეს. ბრძოლის შემდეგ სტალინმა თქვა: “სტალინგრადთან დაიწყო გერმანელი ფაშისტების მზის ჩასვენება”. ამ ბრძოლის შემდეგ გერმანელები წელში ვეღარ გაიმართნენ.

დანაკარგები:

სსრკ _ 1 მლნ 130 ათასი კაცი; გერმანია და მისი მოკავშირეები _ 1,5 მლნ.

  1. ბრძოლა მოსკოვისთვის

30 სექტემბერი, 1941 წ. _ 20 აპრილი, 1942 წ.

გერმანიის 2 სატანკო არმიის სარდალმა გუდერიანმა ასე შეაფასა გერმანელთა დამარცხება მოსკოვის მისადგომებთან: “ყველა ძალისხმევა და მსხვერპლი ფუჭი აღმოჩნდა, ჩვენ განვიცადეთ სერიოზული მარცხი, რომელმაც უმაღლესი მთავარსარდლობის სიჯიუტის გამო საბედისწერო შედეგები გამოიწვია. გერმანიის არმიის ძალა და სულისკვეთება გატყდა”.

დანაკარგები:

სსრკ _ 926,2 ათასი ადამიანი; გერმანია _ 581,9 ათასი.

  1. კურსკის ბრძოლა

5 ივლისი _ 23 აგვისტო, 1943 წ.

ეს იყო ყველაზე მასშტაბური ომი მეორე მსოფლიო ომის ისტორიაში. საბჭოთა კავშირის ცენტრალური და ვორონეჟის ფრონტების მებრძოლებმა გაანადგურეს ვერმახტის ორი უდიდესი დაჯგუფება: არმიების ჯგუფი “ცენტრი” და არმიების ჯგუფი “სამხრეთი”. ამ ბრძოლაში მონაწილეობდა 2 მლნ ადამიანი, 6 ათასი ტანკი და 4 ათასი თვითმფრინავი.

დანაკარგები:

სსრკ _ 254 ათასი ადამიანი; გერმანია _ 300 ათასი.

  1. ოპერაციაბაგრატიონი

23 ივლისი _ 29 აგვისტო, 1944 წ.

ერთ-ერთი ფართომასშტაბიანი სამხედრო ოპერაცია კაცობრიობის ისტორიაში. ბალტიისპირეთის 1-ელმა, ბელორუსიის 1-ელმა, მე-2 და მე-3 ფრონტებმა გაანადგურეს გერმანიის არმიების დაჯგუფება “ცენტრი” და გაათავისუფლეს ბელორუსია. იმისათვის, რომ ეჩვენებინათ ამ წარმატების მნიშვნელობა, საბჭოთა კავშირის მთავარსარდლის განკარგულებით, 50 ათასზე მეტი გერმანელი ტყვე მოსკოვის ქუჩებში ჩაატარეს.

დანაკარგები:

სსრკ _ 178,5 ათასი ადამიანი; გერმანია _ 255,4 ათასი.

  1. ვისლაოდერის ოპერაცია

12 იანვარი _ 3 თებერვალი, 1945 წ.

ბელორუსიის 1-ელი და უკრაინის ფრონტების სტრატეგიული შეტევა, რომლის მსვლელობისას საბჭოთა მეომრებმა გაათავისუფლეს პოლონეთის ტერიტორია ვისლიდან დასავლეთით, კაცობრიობის ისტორიაში შევიდა, როგორც ყველაზე სწრაფი შეტევა _ 20 დღე-ღამის განმავლობაში საბჭოთა ჯარები დღეში 20-30 კმ-ს გადიოდნენ.

დანაკარგები:

სსრკ _ 43,2 ათასი ადამიანი; გერმანია _ 480 ათასი.

  1. ბრძოლა ბერლინისთვის

16 აპრილი _ 8 მაისი 1945 წ.

ეს იყო საბჭოთა კავშირის ჯარების ბოლო ბრძოლა ევროპაში. მესამე რაიხის დედაქალაქზე შტურმისთვის გააერთიანეს უკრაინის 1-ელი და ბელორუსიის 1-ელი და მე-2 ფრონტების ძალები. ბრძოლებში მონაწილეობდნენ, აგრეთვე, პოლონეთის არმიისა და ბალტიის ფლოტის მებრძოლები.

დანაკარგები:

სსრკ-ის მოკავშირეებთან ერთად _ 81 ათასი ადამიანი; გერმანია _ 400 ათასი.

  1. ბრძოლა მონტეკასინოსთან

17 იანვარი _ 19 მაისი, 1944 წ.

ყველაზე სისხლისმღვრელი ბრძოლა სსრკ-ის დასავლელი მოკავშირეების მონაწილლეობით, რომლის მსვლელობისას ამერიკელმა და ბრიტანელმა სამხედროებმა იტალიაში გაარღვიეს გერმანელთა თავდაცვის ბასტიონი _ “გუსტავის ხაზი” და აიღეს რომი.

დანაკარგები:

აშშ და მოკავშირეები _ 100 ათასი კაცი; გერმანია _ 20 ათასი.

  1. ბრძოლა ივოძიმისთვის

16 მარტი _ 26 მარტი, 1945 წ.

ეს იყო აშშ-ის პირველი სამხედრო ოპერაცია ხმელეთზე იაპონიის წინააღმდეგ.

ტოკიოდან 1250 კმ-ით დაშორებულ ამ პატარა კუნძულზე შტურმის შემდეგ აშშ-მა გადაწყვიტა, ატომური ბომბები ჩამოეგდო ჰიროსიმასა და ნაგასაკიში.

დანაკარგები:

იაპონია _ 22,3 ათასი ადამიანი; აშშ _ 6,8 ათასი.

მოამზადა ნიკა კორინთელმა

გააზიარეთ

დატოვეთ კომენტარი

Please enter your comment!
Please enter your name here