ყირიმის ხელისუფლებამ მიიღო გადაწყვეტილება, აღარასოდეს ჩაატაროს ნახევარკუნძულზე ფესტივალი “კაზანტიპი” და მსგავსი ღონისძიება.
“ჩვენ არ ვეწინააღმდეგებით ახალგაზრდული ფესტივალების ჩატარებას რესპუბლიკის ტერიტორიაზე. ამასთანავე, თუ ესა თუ ის ფესტივალი არ იქნება ფედერალური კანონმდებლობის შესაბამისი, პროკურატურა მყისვე მიიღებს ზომებს”, _ განაცხადა ყირიმის რესპუბლიკის პროკურორმა ნატალია პოკლონსკაიამ.
სამართალდამცველთა ინფორმაციით, 2015 წლის ზაფხულში, როცა ყირიმის ნახევარკუნძულზე შეეცადნენ Befooz -ის (“კაზანტიპის” მემკვიდრე) ჩატარებას, 11 ადამიანი დააპატიმრეს. აღიძრა სისხლის სამართლის საქმეები აკრძალული ნივთიერებების დამზადებისა და შენახვა-გასაღების გამო. მოგვიანებით დადასტურდა, რომ ამოღებული ნარკოტიკები ფესტივალის მიმდინარეობისას უნდა გაესაღებინათ.
