“2015-2016 სასწავლო წლისთვის რუსეთის ფედერაციის განათლებისა და მეცნიერების სამინისტრო უმაღლეს საგანმანათლებლო დაწესებულებებში საქართველოდან აბიტურიენტების მისაღებად 90 სახელმწიფო გრანტს გამოყოფს.
“ყოველწლიურად განსაზღვრული კვოტები გამოიყოფა იმ ორგანიზაციებისთვის, რომლებსაც ჩვენი კავშირი მოიცავს. კვოტები ნაწილდება 30 ორგანიზაციაზე, რომლებიც კავშირ „მამულში“ ერთიანდებიან და საქართველოს სხვადასხვა რეგიონსა და მსხვილ ქალაქებს წარმოადგენენ. ამასთანავე, რუსეთის უმაღლეს საგანმანათლებლო დაწესებულებებში მოხვედრის მსურველთა დოკუმენტაცია გროვდება. შეიქმნება კომისია, რომლის სხდომა 25-27 თებერვალს გაიმართება. შემდეგ მოხდება შერჩევა. შერჩევის კრიტერიუმია ატესტატი, კარგი ნიშნები და აკადემიური მოსწრება”, _ განაცხადა საქართველოში რუს თანამემამულეთა კავშირ „მამულის“ პრეზიდენტმა ვალერი სვარჩუკმა.
