ავსტრიის ხელისუფლებამ გადაწყვიტა, საქართველო ე.წ. უსაფრთხო ქვეყნების სიაში შეიყვანოს, რაც ნიშნავს, რომ ავსტრიაში ჩასულ საქართველოს მოქალაქეებს თავშესაფარზე უარს ეტყვიან. ამის შესახებ განცხადება ავსტრიის შინაგან საქმეთა სამინისტრომ გაავრცელა.
ავსტრიის მთავრობის გადაწყვეტილებით, საქართველოს გარდა, ამ სიაში შეყვანილია ალჟირი, განა, მაროკო, მონღოლეთი და ტუნისი.
