ბრიტანეთის საგარეო საქმეთა მინისტრმა ფილიპ ჰამონდმა ბი–ბი–სი–სთვის მიცემულ ინტერვიუში განაცხადა, რომ პლანეტაზე არსებობს ადამიანი, რომელსაც შეუძლია, ერთი ზარით დაასრულოს სამოქალაქო ომი სირიაში და ის არის ვლადიმერ პუტინი.
ჰამონდი დარწმუნებულია, რომ ბაშარ ალ-ასადის პრეზიდენტობა რუსეთის მხარდაჭერაზეა დამოკიდებული.
“ასადი პრეზიდენტად დარჩება თუ წავა, დამოკიდებულია იმაზე, არის თუ არა რუსეთი მზად, გამოიყენოს თავისი გავლენა ხელისუფლებიდან მის ჩამოსაშორებლად”, _ განაცხადა დიდი ბრიტანეთის საგარეო საქმეთა მინისტრმა.
