გაეროს შეფასებით, წელს მსოფლიოს მასშტაბით ლტოლვილთა რაოდენობამ, შესაძლოა, 60 მილიონს გადააჭარბოს, რაც ნიშნავს, რომ პლანეტის ყოველი 122-ე მცხოვრები ლტოლვილი, თავშესაფრის მაძიებელი ან დევნილი იქნება.
გაეროში მიგრაციული სიტუაციის გამომწვევ ერთ-ერთ მთავარ მიზეზად სირიის ომს ასახელებენ. გაეროს შეფასებები 2015 წლის პირველი 6 თვის მონაცემებს ეყრდნობა. ამ პერიოდის განმავლობაში, პირველად 1992 წლის შემდეგ, ლტოლვილთა რაოდენობამ 20 მილიონს გადააჭარბა. გაეროს მონაცემებით, კიდევ 34 მილიონი ადამიანი დევნილია.
თავშესაფრის მაძიებელთა რაოდენობა კი 78%-ით გაიზარდა და 993 600 ადამიანი შეადგინა.