ოდესაში ოლქის გუბერნატორის _ მიხეილ სააკაშვილის და უკრაინის პრეზიდენტის _ პეტრო პოროშენკოს გადადგომის მოთხოვნით საპროტესტო აქცია გაიმართა. აქციის მონაწილეები ოდესის პროფკავშირების სახლში 2014 წლის მაისში ოდესის პროფკავშირების სახლში დატრიალებული ტრაგედიის გამოძიებით უკმაყოფილონი არიან. მათ ქალაქში არსებული სოციალურ–ეკონომიკური მდგომარეობაც გააკრიტიკეს.
აქციის მონაწილეებმა გამოფინეს პლაკატები წარწერით: “სააკაშვილო, წაეთრიე!”, “გადადგეს პოროშენკო!” “პოროშენკო გამოძიებას აჭიანურებს” და სხვ. “ჩვენ ვხედავთ, რომ პოროშენკო და ხელისუფლება გამოძიებას განგებ აჭიანურებს. მთელ ოდესას სურს, გაიგოს სიმართლე იმის შესახებ, რაც პროფკავშირების სახლში მოხდა. ჩვენ არ ვაპირებთ ამ უმსგავსობისგან შორს ვიყოთ და სიმართლის დადგენას მოვითხოვთ”, _ განაცხადა ორგანიზაცია “კულიკოვოს ველის” ხელმძღვანელმა იბრაჰიმ მორისმა.
