ამერიკული გაზეთის _ New York Daily News –ის მკითხველების დიდი უმრავლესობა (96%) თვლის, რომ გაეროს გენერალურ ასამბლეაზე რუსეთის პრეზიდენტი ვლადიმერ პუტინი უფრო დამაჯერებლად გამოვიდა, ვიდრე აშშ–ის პრეზიდენტი ბარაკ ობამა.
უკვე რამდენიმე დღეა, გაზეთი გამოკითხვას აწარმოებს. გამოკითხვის შედეგების მიხედვით, პუტინს მხარს უჭერს 34 ათასი რესპონდენტი _ გამოკითხულთა 96 პროცენტი, ობამას კი _ 1,5 ათასზე ცოტა მეტი.
გაზეთმა გამოკითხვას დაურთო სტატიები, რომლებშიც მოყვანილია ამონარიდები ორი ქვეყნის ლიდერების გამოსვლებიდან, რომლებშიც ისინი, ასე თუ ისე, ერთმანეთს უპირისპირდებიან და ერთმანეთის პოზიციებს აკრიტიკებენ. ეს არის ომი სირიაში, მოვლენები უკრაინაში, რუსეთისთვის ყირიმის მიერთება და ადამიანის უფლებები.
