აი დიპლომატია და უცხო ქვეყანაში შენი კეთილი მიზნების დემონსტრირებაც ასეთი უნდა! ამერიკის შეერთებული შტატების ახალმოვლინებულმა ელჩმა საქართველოში პირდაპირ მოითხოვა, რომ ჩვენ ერთ–ერთი კერძო ტელეკომპანია “ავაყვავოთ”.
იან კელიმ, თავისი ამ თავხედური განცხადებით, ფაქტობრივად, აღიარა, რომ ტელეკომპანია “რუსთავი 2”-ს რაღაც ნამდვილად ელის და “გადარჩენა-ვერგადარჩენის” საფრთხის წინაშეა.
როგორც, საზოგადოდ, ამერიკულ “მოკრძალებულ” დიპლომატიას სჩვევია, კელის არც კი უფიქრია, რომ ასეთი თავხედური და ჩვენი ქვეყნის შეურაცხმყოფელი აზრების გასამყარებლად რაიმე არგუმენტი მოეყვანა. მეწილეების სასამართლო დავა ამერიკის ელჩმა ასე უაპელაციოდ გამოგვიცხადა “სამკვდრო-სასიცოცხლო” საფრთხედ და ამ ტელევიზიის “გადარჩენაც” გვიბრძანა.
კარგი, გადარჩენა კიდევ ჯანდაბას, მაგრამ მართლა გაუგებარია, უფრო მეტად როგორღა უნდა აყვავდეს ეს ქართული ტელესივრცის ყოვლად მახინჯი წარმონაქმნი?! ბიუჯეტის მილიარდები სწორედ ამ ტელევიზიას აქვს შესანსლული, ყველაზე მაღალხელფასიანი თანამშრომლებიც მათ ჰყავთ და ყველაზე დიდი “შავი ფულიც” სწორედ ამ დანაშაულებრივ ორგანიზაციაში ტრიალებს, რომელიც თავს რატომღაც “ტელევიზიად” ასაღებს და იქნებ ვინმემ გვითხრას, მეტი “აყვავება” რაღა უნდა იყოს, ბატონი ელჩის აზრით?
როგორც ჩანს, აყვავებული ქვეყნის ამ ტვინაყვავებულ წარმომადგენელს სურს, ეს დანაშაულებრივი ტელევიზია თავის მთავრობას ამერიკის ერთ-ერთ შტატად გამოაცხადებინოს. დიახაც! არა საქართველო, არამედ კონკრეტულად “რუსთავი 2” გახდება აშშ-ის ახალი შტატი. ნიკა გვარამია ამ შტატის გუბერნატორად დაჯდება, ხოლო გიორგი გაბუნიას ამერიკის სენატის წევრად გაიყვანენ.
აი, მერე კი ბიუჯეტიც ამერიკისა შეჭამონ და ამ ტელევიზიიდან გადმოფრქვეული უტიფარი ტყუილებიც ამერიკელ ხალხს აჭამონ…
დიახ! ეს “ზე-პროფესიონალების” ტელევიზია ასეთ ფართო არეალს იმსახურებს, თორემ, ბატონო ელჩო კელი, ჩვენ, უბრალო, მოკრძალებულ და პატარა ქვეყანას, სად გვაქვს ამათი გაბერილი ამბიციების “ასაყვავებლად” საკმარისი “ქოთანი”?!
