მას შემდეგ, რაც აშშ-ის უზენაესმა სასამართლომ სოდომია ქვეყნის ორმოცდაათივე შტატში დააკანონა და მესაჯდომეებს ერთმანეთზე ქორწინების უფლება ოფიციალურად მისცა, ქართველ სოდომისტებს კურტუმოები უშნოდ უცუნდრუკებთ.
“ლიბერასტები” სოციალურ ქსელებში ბობოქრობენ და პირდაპირ იმუქრებიან, რაც უნდა მოხდეს, ჩვენსას მაინც გავიტანთ, მალე თბილისის თავზე “ცისარტყელის დროშას” ავაფრიალებთო. ისე, იმ განცხადების შემდეგ, რომელიც ამას წინათ ამერიკის სახელმწიფო მდივანმა ჯონ კერიმ გააკეთა (ვგულისხმობ ერთნაირსქესიანთა ქორწინების სხვა ქვეყნებში დაკანონებას), ქართველ მესაჯდომეთა ამგვარი რწმენა მთლად გასაკვირიც არ უნდა იყოს. როგორც ჩანს, თეთრი სახლი ძალ–ღონეს არ იშურებს, რომ საქართველო “დემოკრატიის ცუნამიმ” წალეკოს, ხალხი “ჭეშმარიტ დასავლურ ფასეულობებს” ეზიაროს და ქვეყანა ერთ დიდ საქათმედ გადაიქცეს. …რა ცვლილებებია კანონმდებლობაში მოსალოდნელი უახლოეს მომავალში, რა ნაბიჯების გადადგმას აპირებს ხელისუფლება ამერიკის დაკვეთით, რომ ე.წ. სექსუალური უმცირესობების უფლებები გაიზარდოს, და რა მიზანს ემსახურება ეს პროცესები _ ამ და სხვა მნიშვნელოვან საკითხებზე “საქართველო და მსოფლიოს” ესაუბრება დიღმის სამი მღვდელმთავრის ტაძრის მღვდელმსახური მამა გურამი (გამცემლიძე).
_ მამაო, ამერიკის უზენაესი სასამართლოს მიერ 26 ივნისს მიღებულმა გადაწყვეტილებამ, რომლის თანახმადაც ერთნაირსქესიანთა ქორწინება ქვეყნის ყველა შტატში დაკანონდა, ქართველი “ნეოლიბერალები” გარკვეულწილად შეაგულიანა. სოციალურ ქსელებში უკვე აქტიურად ამოქმედდა კამპანია “გააფერადე ჰომოფობი” და საკმარისია, ვინმემ რამე ცუდი თქვას ე.წ. სექსუალურ უმცირესობებზე, მაშინვე “ცისარტყელის” ფერებში “ღებავენ”. ამ ინტერვიუს შემდეგ, შესაძლოა, ჩვენც გავხდეთ აღნიშნული კამპანიის სამიზნე. როგორ ფიქრობთ, რა პროცესები მიდის, რასთან გვაქვს რეალურად საქმე?
_ ეს ხალხი, რომელიც ახლა აჟივჟივდა და ვითომ თავგადაკლული იცავს ადამიანის უფლებებს, დღეს არ გამოჩენილა, დიდი ხანია, აქტიურობს და ყველამ ვიცით, რა ძალაც დგას მის უკან. სიმართლე გითხრათ, არც ის გადაწყვეტილება გამკვირვებია, რომელიც ამერიკის უზენაესმა სასამართლომ მიიღო… სატანური დროშა ჰქონდათ აქამდე და, ახლა ლგბტ–ების დროშა რომ აღმართონ, ბევრი არაფერი შეიცვლება. ვფიქრობ, რაც დღეს მსოფლიოში ხდება, სავსებით ლოგიკურია, ეტყობა, უკვე ბოლოჟამი მოახლოვდა. ვინც ჭეშმარიტ ღირებულებებზე დგას, გადარჩება, ვინც სხვა გზას ირჩევს, მისი გადასაწყვეტია.
რაც შეეხება ე.წ. არასამთავრობო ორგანიზაციებს, რომლებიც ტყავიდან ძვრებიან დასავლური ფასეულობების პიარსა და პროპაგანდაში, სიახლე არავისთვის არის, რომ ყველა ეს ორგანიზაცია ფინანსდება ვაშინგტონიდან, ისინი არიან ამერიკის სპეცსამსახურების წარმომადგენლები და მოქმედებენ ამერიკის პოლიტიკური ხელმძღვანელობის მითითებებით. უბრალოდ, მათ ახლა ჩამოიხსნეს ნიღაბი და მოახდინეს ერთგვარი თვითლუსტრირება, რაც თავისთავად ძალიან კარგია. ხალხმა კიდევ ერთხელ დაინახა, ვისთან გვაქვს საქმე და რა ძალები დგას რეალურად ამ ორგანიზაციების უკან, კიდევ ერთხელ ცხადი გახდა, რას უნდა ველოდოთ ამ ძალებისგან მომავალში…
_ როგორ ფიქრობთ, რატომ ჩათვალეს მათ, რომ ახლა დადგა დრო, როცა ნიღაბი უნდა ჩამოიხსნან?
_ ისინი თვითონ ვერაფერს აკეთებენ, ვერც აზროვნებენ, ამიტომ, როგორც ამერიკიდან უბრძანებენ, ისე იქცევიან. ახლა, ეტყობა, ეუბნებიან, რომ უნდა იაქტიურონ და შეუტიონ პატრიარქს, სამღვდელოებას; ამიტომაა, ასეთი ანტიეკლესიური და ანტიმართლმადიდებლური კამპანია რომ მძვინვარებს. კიდევ ვიმეორებ: ეს ყველაფერი მოდის ამერიკიდან და, როცა ეტყვიან, იმოქმედეთო, აქტიურდებიან; როცა ეტყვიან, შეძვერით სოროშიო, _ შეძვრებიან; ასე რომ, თუ ჩვენ, საზოგადოება, წინ არ აღვუდგებით ამ სიბინძურეს, მალე ისინი მართლა ააფრიალებენ ნაირფერ დროშას…
_ 1996 წელს ამერიკის შეერთებულ შტატებში მოსახლეობის მხოლოდ 27 პროცენტი იყო მომხრე, რომ ქვეყანაში ერთნაირ სქესიანთა ქორწინება დაეკანონებინათ, ახლი კი ეს მაჩვენებელი 60 პროცენტამდე გაიზარდა. როგორ ფიქრობთ, თუ მოსახლეობის რაოდენობით 300-მილიონიან სახელმწიფოში პროპაგანდამ იმდენი ქნა, რომ, სულ რაღაც, 18 წელიწადში საზოგადოებრივი აზრი კარდინალურად შეეცვალა და 27 პროცენტი სამოცად იქცა, დიდია საფრთხე, საქართველოშიც იგივე მოხდეს? “ლიბერალური” პროპაგანდა ხომ აქაც აქტიურად მუშაობს?
_ გათვლა კეთდება ზუსტად იმაზე, რომ ხალხის აზროვნება შეცვალონ 180 გრადუსით. ამისთვის მოიყვანეს სააკაშვილის ხელისუფლება, რომელმაც თავიდანვე მიზანში ამოიღო სულიერება, და ამისთვის დასვეს დღევანდელი ხელისუფლებაც. ეს ადამიანები გამოდიან და გვესაუბრებიან უმცირესობების უფლებებზე. სინამდვილეში ყველას უფლებები ფეხებზე ჰკიდიათ და რეალურად საზოგადოების დეგრადირებას, ადამიანების დაცემას ემსახურებიან. აბა, ვინმეს უნახავს, გამოსულიყოს რომელიმე არასამთავრობო ორგანიზაცია და სოციალურად დაუცველი ხალხის უფლებებზე ესაუბრა? ქვეყანაში ამდენი უბინაოა, ამდენი უმუშევარი და გაჭირვებული, ოდესმე გსმენიათ, რომ მათი უფლებების დასაცავად ვინმე გამოსულიყოს?
საუბედუროდ, ამერიკამ და მისმა პოლიტელიტამ ძალიან კარგად იცის, როგორ გარყვნას მსოფლიო. მათ იციან, როგორ უნდა მართონ სხვა ქვეყნები და მოახვიონ თავს იდეოლოგია, რომელიც საზოგადოებაში ჩაკლავს ზნეობას…
_ თქვით, რომ დღევანდელი ხელისუფლებაც ზუსტად იმ მიზნით მოიყვანა ამერიკამ, რა მიზნითაც თავის დროზე სააკაშვილი. როგორ ასრულებს დღეს მმართველი გუნდი თავისი პოლიტიკური გარანტორის დაკვეთას?
_ მე ვიტყოდი, პირნათლად. შეიძლება, ზუსტად იმავე მეთოდებით არა, როგორც წინამორბედი, მაგრამ ეს ხელისუფლება ერთი–ერთზე იმეორებს სააკაშვილის პოლიტიკას. მეტიც, ამათ გაბედეს ის, რაც ვერ გაბედა სააკაშვილმა _ მიიღეს ანტიდისკრიმინაციული კანონი და ერი შეურაცხყვეს. ეს კანონი რა უბედურებაც არის, ბევრს ჯერ კიდევ არ აქვს გაცნობიერებული და ჩვენ ამას ძალიან მალე დავინახავთ. ეს კანონი არის ის განასკვული მზაკვრობა, რომელსაც მომავალში მოჰყვება სხვა უბედურებები…
_ ერთნაირსქესიანთა ქორწინებას გულისხმობთ?
_ ამაზე ძალიან მალე დაიწყებენ საუბარს და ეს მოხდება იმაზე გაცილებით ადრე, ვიდრე წარმოგიდგენიათ. ბევრი ფიქრობს, რომ ვერ გაბედავენ, რადგან ეს საქართველოა და ჩვენი ტრადიციები განსხვავებულია, მაგრამ მერწმუნეთ, ეს პროცესი უახლოეს მომავალში დაიწყება. ამისთვის შემოგვისიეს თავის დროზე სააკაშვილის ფაშისტური ხელისუფლება და იგივე ამოცანა აქვთ ამათაც. ასე რომ, ესენიც ყველაფერს გააკეთებენ, რათა ეს ამოცანა ზედმიწევნით შესრულდეს, სხვა შემთხვევაში, იციან, რომ ამერიკისა და ევროპის მხარდაჭერას დაკარგავენ…
_ თუმცა გვეუბნებიან, რომ “დემოკრატიული დასავლეთი” არაფერს გვაძალებს.
_ მაშინ რას ნიშნავს ტერმინები: ევროკავშირის დირექტივა, ამერიკის რეკომენდაცია, ევროსტანდარტი, ამის სტანდარტი, იმის სტანდარტი, თუ ასეთი თავისუფლები ვართ და დასავლეთი კიდევ უფრო მეტ თავისუფლებას გვპირდება, რა საჭიროა მათი მითითებები? ესენი შანსს არ გიტოვებენ, მაინცდამაინც პროდასავლური უნდა იყო, სხვაგან თუ გაიხედავ, ბნელი ხარ და გაუნათლებელი… ეს არის ამათი დემოკრატია? საქართველოს არ სჭირდება ასეთი დემოკრატია. საქართველოს არ სჭირდება ისეთი “მეგობრები”, რომლებიც კოლონიად გადაგვაქცევენ…
_ ხელისუფლება გვეუბნება, რომ ევროინტეგრაცია ქართველი ხალხის არჩევანია. ხშირად გვესმის ხოლმე ამგვარი ფორმულირებაც: “ისტორიული არჩევანი”. რა აზრის ხართ^ ამ ყველაფერზე?
_ ეს არის დიდი ტყუილი და ფარსი, რომელიც არც ერთ საღად მოაზროვნე მოქალაქეს არ სჯერა. ეს ერთი და მეორე კიდევ _ სად აქვს საქართველოს კურსი? რა კურსი, ჩვენ ვართ კოლონია, რასაც იქიდან გვიკარნახებენ, იმას ვაკეთებთ…
რაც შეეხება დასავლეთს, დღეს ამერიკა არის სოდომი, ხოლო მათი მიმდევარი ევროპის მოცისფრო ნაწილი _ გომორი…
_ თქვით, რომ დღევანდელი ხელისუფლება პირნათლად ასრულებს დასავლეთის დირექტივებს. ამასწინათ ამერიკის სახელმწიფო დეპარტამენტმა ყოველწლიური ანგარიში გამოაქვეყნა და მასში საქართველოში დემოკრატიის კუთხით არსებული მდგომარეობა საკმაოდ მძიმედ შეაფასა. როგორ ფიქრობთ, თუ დირექტივები ზუსტად სრულდება, კრიტიკას რატომ ვიმსახურებთ? რა დავაკელით “ჭეშმარიტ დასავლურ დემოკრატიას”?
_ თუ, მაგათი აზრით, დემოკრატია არის ის, ვინ უფრო მალე გახდება მამათმავალი, ჩვენ ეგეთი დემოკრატია არ გვინდა. მათ კი, ვისაც “დასავლურად” უძგერს გული და მიაჩნია, რომ საქართველო ვერ არის მთლად ევროპული სახელმწიფო, შეუძლიათ, მიბრძანდნენ იმ “ჭეშმარიტი” დემოკრატიის ქვეყნებში. ჩვენთვის გარყვნილება დარჩება გარყვნილებად, უზნეობა ყოველთვის იქნება უზნეობა და ქართველი კაცი ამას არ მიიღებს.
_ ფაქტია, რომ დღიდან დამოუკიდებლობის გამოცხადებისა, ქვეყნის პოლიტიკური სადავეები მუდმივად ე.წ. ნეოლიბერალური ფრთის ხელშია (გამონაკლისი იყო გამსახურდია, რომელსაც ერთი წელიც არ ადროვეს). თქვენი აზრით, რა უნდა გაკეთდეს იმისთვის, რომ მუდმივად ეს ძალები არ იყვნენ სათავეში? რა ბერკეტები აქვს ამისთვის საზოგადოებას?
_ არავის დაუტანებია ძალა ქართველი ამომრჩევლისთვის, რომ მისულიყო და ხმა მიეცა, მაგალითად, თამარ კორძაიასთვის, ხიდაშელისთვის ან სხვა რომელიმე რესპუბლიკელისთვის და მათნაირად მოაზროვნე კანდიდატებისთვის. როდესაც იცი, რომ ადამიანი უზნეობას ქადაგებს, იმას ხმა არ უნდა მისცე. რა მნიშვნელობა აქვს, რომელ პარტიაშია, რომელ კოალიციაში ან ვის გვერდით დგას. აი, ეს შეცდომა მოსდის მუდმივად ჩვენს საზოგადოებას და მერე თავში ხელს ვიცემთ ხოლმე; ამიტომ ვფიქრობ, გამოსავალი მხოლოდ ერთია: ვიდრე აირჩევ და ქვეყნის სადავეებს ჩააბარებ, უნდა გაიგო, ვინ არის და როგორ აზროვნებს ის კანდიდატი, არის თუ არა ეროვნული და ზნეობრივი ადამიანი. წინააღმდეგ შემთხვევაში, თუ ბრმად მივალთ საარჩევნო ყუთთან, ვიღაც-ვიღაცები ყოველთვის ეცდებიან შემოძრომას. მერე გულზე მჯიღისცემა ვერ გვიშველის, არჩეული არჩეულია და ძალაუფლებაც მის ხელშია…
ესაუბრა ჯაბა ჟვანია
