ლატვიის საგარეო საქმეთა მინისტრმა ედგარ რინკევიჩმა 10 იანვარს რადიო LR-4-ის გადაცემა “მოქმედ პირებში” ქვეყნის საგარეო პოლიტიკის საკითხებზე ისაუბრა და ყურადღება გაამახვილა რუსეთისა და ლატვიის ურთიერთობაზე.
ლატვიის საგარეო საქმეთა მინისტრმა განაცხადა: “ჩვენ ვაფასებთ საბჭოთა კავშირის წვლილს ჰიტლერული გერმანიის განადგურების საქმეში. ის, რომ მეორე მსოფლიო ომის დასრულების 75 წლისთავს აღნიშნავენ როგორც ევროპაში, ისე შორეულ აღმოსავლეთში, შესანიშნავია. გვესმის, რომ ჰიტლერული გერმანიის პირობებში თავისუფალი ლატვია ვერ იარსებებდა”.
ამ განცხადების მიუხედავად, რანკევიჩმა განაცხადა, რომ ბალტიისპირეთის ქვეყნების უმაღლეს პირებს ჯერჯერობით გადაწყვეტილი არ აქვთ, მეორე მსოფლიო ომის დასრულებისა და გამარჯვების 75 წლისთავისადმი მიძღვნილ ღონისძიებებზე დასასწრებად მოსკოვში ჩასვლა, და დასძინა, რომ ისინი არც არავის მიუწვევია.
