მოლდოვის რესპუბლიკაში ხელისუფლების რგოლებს შორის ბრძოლა აქტიურა ფაზაშია. ქვეყნის პრო-რუსს პრეზიდენტს, პროდასავლურად განწყობილი ხელისუფლება ებრძვის.
ქვეყნის რუსეთთან სტრატეგიული მოკავშირეობის მომხრე პრეზიდენტი იგორ დოდონი, არჩევიდან მცირე ხანში, უკვე რამდენჯერმე იმყოფებოდა რუსეთში და პრეზენტ პუტინთან ერთად ესწრებოდა 9 მაისის საზეიმო აღლუმს. დოდონი აღშფოთებულია ქვეყნიდან ხუთი რუსი დიპლომატის გაძევებით.
“მთავრობამ ჩაიდინა აღმაშფოთებელი ჟესტი რუსეთის დიპლომატების წინააღმდეგ. ეს არის პროვოკაცია. მინდა ვთქვა , რომ აღშფოთებული ვარ მსგავსი არამეგობრული ნაბიჯით და ვგმობ მას ყველაზე კატეგორიული ფორმით”, – აცხადებს მოლდავეთის პრეზიდენტი.
მოლდავეთის ხელისუფლების ცნობით, რუსმა დიპლომატებმა ქვეყანა 72 საათში უნდა დატოვონ. მსგავს ფაქტს ადგილი ჰქონდა სულ ცოტა ხნის წინ, ესტონეთშიც, საიდაც ხუთი დიპლომატი პერსონა ნონ -გრატდ გამოაცხადეს და რუსეთის გენერალურ კონსულს და კონსულს ქვეყანა დაატოვებინეს.
ეს ერთგავარი ახალი ტაქტიკაა, პროამერიკული მთავრობების რუსეთის დიპლომატების წინაამდეგ. ოფიციალური მოსკოვი საპასუხო ნაბიჯებით იმუქრება.
