2011 წელს მსოფლიო ეკრანებზე გამოვიდა რეჟისორ სტივენ სოდერბერგის ფილმი “ინფიცირება”, რომელშიც მონაწილეობენ მეტ დეიმონი, ლორენს ფიშბორნი, ჯუდ ლოუ, კეიტ უინსლეტი, გვინეტ პელტროუ და სხვ.
ფილმში აღწერილი მოვლენა, ფაქტობრივად, სრულად იმეორებს იმას, რაც დღეს მსოფლიოში ხდება. ფილმის სიუჟეტი განსაცვიფრებლად ჰგავს დღევანდელობას.
დავფიქრდეთ, რატომ მოხდა ასე?
დამთხვევა პირველი _ ფილმში, ისევე როგორც სინამდვილეში, ეპიდემიის აფეთქება მოხდა ჩინეთში, იქიდან კი სულ რამდენიმე დღეში გავრცელდა მსოფლიოში.
ფილმში ვირუსი გაცილებით გადამდებია, უფრო სწრაფად ვრცელდება და მეტ ადამიანს კლავს. მაგრამ ეს ხომ ფილმია.
დამთხვევა მეორე _ ფილმში ვირუსის გადაცემის მეთოდი. ისეთივეა, როგორსაც გვეუბნებიან კორონავირუსზე, ვირუსი გადაეცემა ფიზიკური კონტაქტით, საყოფაცხოვრებო საგნებითა და ჰაერ-წვეთოვანი გზით.
დამთხვევა მესამე _ ფილმში ყველას, ისევე, როგორც დღეს მსოფლიოს ქვეყნების მოსახლეობას, ურჩევენ, რომ ხშირად დაიბანონ ხელები და არ შეეხონ სახეს. აღსანიშნავია, რომ ბევრი ამ რჩევებს არად აგდებდა მთელი ცხოვრების განმავლობაში, მაგრამ ახლა დღეში 10-15-ჯერ მაინც იბანს ხელს, წმენდს ტელეფონსა და სხვა საყოფაცხოვრებო ნივთებს.
