გამოცემა “ბლუმბერგმა” აშშ–ში საფინანსო ბაზარი შეისწავლა და დაასკვნა, რომ ბანკებს ქალები უფრო მეტ ჯარიმას უხდიან, ვიდრე კაცები. გამოცემამ 500 ათასი ქალის ფინანსური ისტორია გამოიკვლია და გაარკვია, რომ მათ მიერ გადახდილი წლიური ჯარიმა მხოლოდ ოვერდრაფტის შემთხვევაში 214 დოლარს შეადგენს.
ოვერდრაფტი (მოკლევადიანი კრედიტი, რომელიც საშუალებას აძლევს მომხმარებელს, წინასწარ განსაზღვრული ლიმიტის ფარგლებში მიიღოს დამატებითი თანხა საბარათე ანგარიშზე და დაფაროს მიმდინარე ხარჯები აღნიშნული ფულადი რესურსით) არის ძირითადი ჯარიმების შემადგენელი ნაწილი. ბანკები ყოველწლიურად მილიარდ დოლარს იღებენ ოვერდრაფტიდან და სხვა ფინანსური ნაკადებიდან.
კვლევამ აჩვენა, რომ კაცების წლიური ჯარიმა ოვერდრაფტით სარგებლობისას 182 დოლარს შეადგენს.
