თბილისში, ვაგზლის მოედანზე “ბავშვთა სამყაროს” ტერიტორიაზე გაჩენილ ხანძარს, რიგითი სექტანტების (სხვაგვარად ვერ ვუწოდებთ პარტიულ-კრიმინალური გაერთიანება “ნაციონალური მოძრაობის” მეხოტბეების და მათთან გათანაბრებულ სუბიექტებს ) გარდა , პოლიტიკოსებიც უერთდებიან და ხანძრის გაჩენაში (პუტინის დაკვეთით!) უშუალოდ ექსპრემიერ ბიძინა ივანიშვილს სდებენ ბრალს.
ყველაზე კრიტიკული “ლეიბორისტული პარტიის” მამაა. შალვა, როგორც რამოდენიმე წლის წინ ვეფხვისგან მოკლული კაცის სიკვდილში ბიძინა ივანიშვილს სდებდა ბრალს, დღესაც იგივეს ამტკიცებს და აცხადებს, რომ ბიძინა ივანიშვილი ” პრომეთე მანიკია” , რომელმაც “ბავშვთა სამყაროს” დაწვით, ოცნება აისრულა. ნათელაშვილი იხსენებს ფაქტს, თუ როგორ დაუწვა ივანიშვილმა 90-იან წლებში ორჯერ, საკუთარ მეზობლებს ერეკლეს მოედანზე სახლი,რის ” შედეგადაც ისინი გამოაძევა საკუთარი საცხოვრისიდან და მთელი ტერიტორია “დაითრია”.
ამავე ფაქტს სოციალური ქსელით ეხმაურება ჟურნალისტი გელა ზედელაშვილი და უბრალო ადამიანების ქართული აზროვნების მარგალიტებს გვთავზობს:
***
– ვააა… “ბავშვთა სამყარო მართლა ბიძინა ივანიშვილმა დაწვა?!
– აბა?!
– ეგ როგორ?!
– იაფად სდომებია ხელში ჩაგდება!
– რათა, კაცო, ფული გაუთავდა?!
– არ გაუთავდა, მაგრამ ხო იცი, როგორი წუწურაქია?!
***
– არა, რააა, ისე როგორ უნდა დაეცე, რომ ყველამ შენკენ გამოიშვიროს თითი?!
– რა იყო, რა ხდება?
– ივანიშვილს ასანთი აუღია და “ბავშვთა სამყაროსთვის” ცეცხლი წაუკიდებია!
– არ გადამრიო, რათ წაუკიდებია?!
– თურმე მაგის ადგილზე “კარფურის” აშენებას აპირებს!
– კარგი, რააა!
-გეუბნები, ეგრეა!
***
– მოკლედ, მეზიზღება ეს ქვეყანა!
– რა მოხდა, მაკო?
– ჯანდაბა და დოზანა, ბიძომ “ბავშვთა სამყარო” დაწვა!
– როდის, ქალო?
– რა ვიცი მე, მგონი წუხელ უქნია მაი ამბავი, თუ დილას!
– დარწმუნებული ხარ?
– აბა, სხვა ვინ იზამდა?
– რა ვიცი, იქნებ სხვა იყო დაინტერესებული?
– არც არსებობს, ჩემი დედამთილის მამიდაშვილი როა, ხომ იცი?
– ჰო, ვიცი!
– იმას უთქვამს, ეგ საქმე ნაღდად ივანიშვილის გაკეთებულიაო და ჩემი დედამთილის დეიდაშვილი როა მამის მხრიდან, იმასაც დაუდასტურებია!
***
– ვაჰ, რამდენი რამე უნდა დაწვას ამ ივანიშვილმა?!
– აბა, კაცო, აღარ დატოვა არაფერი, ნაცარტუტად აქცია მთელი ქვეყანა!
– არა, რააა… რუსი ოლიგარქი მაინც რუსი ოლიგარქია!
– ეტყობა, პუტინმა უბრძანა, რამე დაწვიო და მაგანაც დაწვა, მეტი რა საქმე აქ?!
– ჰოოო, ააშენებს ახლა “კარფურს” ვაგზალზე და დაადებს დაბალ ფასებს, სხვები რომ გააკოტროს!
– ისე, რაია, რააა, სხვაგან აეშენებინა თავისი “კარფურია” თუ “კაიფური”, რაღა მაგ ადგილ მიახტა?!
– არა, ხო იცი, როგორი ამოჩემება იცის? თუ ერთი ჩაიხვია, ვეღარავინ გადაათქმევინებს… ან კი ვინ გაუბედავს რამის თქმას?!
– ჰოოო, ეგეთი ყოფილა, ჩემი ბიძაშვილის მეზობელსა სცნობებია და თურმე იძახის, თავისი ნათქვამააო!
***
p.s. ამხანაგებო, ცდებით, “ბავშვთა სამყარო” დაწვა დონალდ ტრამპმა.
სწორედ მაგ ადგილზე უნდა სასტუმროს აშენება.
ამ საქმეში კი დაეხმარა ამერიკის შეერთებული შტატების დაზვერვის ცენტრალური სამმართველო.
როდესაც ჯონ მაკკეინი თბილისს ეწვია, მან საგანგებოდ გააფრთხილა საქართველოს მთავრობა, ტრამპი “ბავშვთა სამყაროს” გადაბუგვას აპირებსო, მაგრამ როგორც ყოველთვის, დაიკიდეს.
სხვათა შორის, ეს გახლავთ პირველი შედეგი ტრამპისა და პუტინის სატელეფონო საუბრისა. ვოვას უთქვამს, ჩემი მწარე ბავშვობა საქართველოში დავტოვეო.
ჰოდა, თუ ეგრეა, რასაც კი საქართველოში “ბავშვი” აწერია, ყველაფერს გადავწვამ და სასტუმროებს ავაშენებ, ჩვენი ინტერესები აქაც კი ემთხვევაო.
ეეეეჰ… დონალდ, ცალყბად მაინც გეთქვა, ჩვენი არასამთავრობოები ცეცხლსაც წაუკიდებდნენ და შარვლებსაც ჩაიხდიდნენ, რა პრობლემა იყო?! ” – წერს ჟურნალისტი გელა ზედელაშვილი.
