უზნეობა დემოტრაკიის სახელით

“დღე უშარვლოდ”

ლონდონში გაიმართა ყოველწლიური ფლეშმობი “მეტროპოლიტენში უშარვლოდ”. მისი მონაწილეები მეტროპოლიტენში ქვედა საცვლების ამარა ჩავიდნენ.

ფლეშმობის მონაწილეები ერთმანეთს ლონდონის მეტროპოლიტენის ერთ-ერთ სადგურში შეხვდნენ და დაიწყეს თავიანთი მარშრუტი. გამვლელები ირონიით შეჰყურებდნენ ნახევრადშიშველ ადამიანებს, რომლებმაც, სიცივის მიუხედავად, გადაწყვიტეს, გაეხადათ, რათა მონაწილეობა მიეღოთ ყოველწლიურ ფლეშმობში.

ანალოგიური ფლეშმობი გაიმართა ნიუ იორკსა და ბერლინში. მსგავსი აქცია პირველად 2002 წელს ნიუ იორკში გაიმართა, შემდეგ კი გავრცელდა ევროპის 60 ქვეყანაში.

სქესშეცვლილმა ბრიტანელმა განაცხადა, რომ ორსულადაა

20 წლის ბრიტანელმა ჰაიდენ კროსმა, რომელმაც სქესი შეიცვალა და მამაკაცად გადაიქცა, განაცხადა, რომ ორსულადაა, _ იუწყება ბრიტანული გამოცემა Mirror–ი.

ჰაიდენი ამბობს, რომ ქვეყანაში პირველი მამაკაცია, რომელიც დაორსულდა. გამოცემა განმარტავს, რომ კროსი ფიზიოლოგიურად ჯერ კიდევ ქალია და ამიტომ დაფეხმძიმდა. ის ახლა 4 თვის ფეხმძიმეა. კროსი მარტოხელა მშობელი იქნება, რადგან ბავშვი ჩაისახა სპერმის დონორისგან, რომელიც მან სოციალური ქსელის მეშვეობით იპოვა.

ჰაიდენ კროსი 17 წლის იყო, როცა სქესის შეცვლა გადაწყვიტა და 3 წლის განმავლობაში აუცილებელ ჰორმონულ პრეპარატებს იღებდა.

შეიცვალა პასპორტიც, რომელშიც მითითებულია მისი ახალი გენდერული კუთვნილება, თუმცა დაამუხრუჭა სქესის შეცვლის პროცესი, რადგან გააცნობიერა, რომ ბავშვის გაჩენა სურდა. მისი თქმით, ბავშვის გაჩენის შემდეგ დაასრულებს სქესის შეცვლის პროცესს _ მოიკვეთს მკერდსა და საკვერცხეებს.