ე.წ. პანამური დოკუმენტების სკანდალის ერთ–ერთი ფიგურანტი დავით კეზერაშვილია. ინფორმაციას რამდენიმე შვეიცარიული გამოცემა ავრცელებს. საუბარია ჟენევის ბანკში გახსნილ ანგარიშზე, რომელსაც თავდაცვის ყოფილ მინისტრთან დაკავშირებული კომპანია ფლობდა.
შვეიცარიის ერთ-ერთი მედიასაშუალება აღნიშნავს, რომ დავით კეზერაშვილი თავდაცვის მინისტრის პოსტზე 2 წლის განმავლობაში იყო, რაც საკმარისი აღმოჩნდა ოფშორში 3 კომპანიის დასარეგისტრირებლად.
“პანამური დოკუმენტების” გამოქვეყნების შემდეგ შვეიცარიაში გამოძიება დაიწყო. დოკუმენტებში ლაპარაკია რეგისტრირებულ კომპანიებზე, რომელთა მფლობელები მოქმედი და ყოფილი პოლიტიკოსები, აგრეთვე, ცნობილი სპორტსმენები არიან.