“ბი–ბი–სის” მიერ გავრცელებული ცნობის თანახმად, ევროკომისიის თავმჯდომარემ ჟან–კლოდ იუნკერმა განაცხადა, რომ ევროკავშირმა რუსეთთან პრაქტიკული ურთიერთობა უნდა აღადგინოს და არ მისცეს აშშ–ს უფლება, თავისი პოლიტიკა უკარნახოს.
“რუსეთთან პრაქტიკული ურთიერთობა უნდა დავამყაროთ. ეს არც თუ ისე სასიამოვნოა, მაგრამ ამის გაკეთება საჭიროა”, _ განაცხადა იუნკერმა და იქვე დასძინა, რომ რუსეთს პატივი უნდა სცენ.
ჟან-კლოდ იუნკერის განცხადებას გამოეხმაურა რუსეთის სახელმწიფო დუმის საერთაშორისო საქმეების კომიტეტის თავმჯდომარე ალექსეი პუშკოვი. მან სოციალურ ქსელში დაწერა, რომ, იუნკერის განცხადებით, რუსეთის წინააღმდეგ დაწესებული სანქციების გაუქმების პროცესი დაიწყება.
