რონ პოლის მშვიდობისა და განვითარების ინსტიტუტმა გამოაქვეყნა კვლევა, რომლის თანახმადაც, ტერორისტული დაჯგუფება „ისლამური სახელმწიფოს“ წევრები ფირმა “ტოიოტას” ასობით ავტომანქანას აშშ–სა და დიდ ბრიტანეთს უნდა უმადლოდეს.
ავტომწარმოებლების მიერ მანქანების შეყვანა სირიაში ოფიციალურად 2012 წელს შეწყდა. პოლიტოლოგების კვლევის თანახმად კი, 2013-2014 წლებში აშშ-ის სახელმწიფო დეპარტამენტი და დიდი ბრიტანეთის გაერთიანებული სამეფოს სამსახურები ამ ჯიპებით “სირიის თავისუფალ არმიას“ ამარაგებდნენ.
პოლიტოლოგი ტონი კარტალუჩი ამერიკულ რადიო Public Radio International -სა და ინგლისურ გაზეთ The Independent-ზე დაყრდნობით ამბობს, რომ სირიაში გაგზავნილი იყო 43 ცალი “ტოიოტას” პიკაპი.
„ალბათ, ვაშინგტონში თვლიან, რომ, თუ ამერიკის მთავრობა სვამს კითხვას _ როგორ მოხვდა ამდენი ჯიპი „ისლამური სახელმწიფოს“ მფლობელობაში, არავის გაუჩნდება ეჭვი მათი ამ პროცესებში მონაწილეობის შესახებ“, _ წერია რონ პოლის ინსტიტუტის დასკვნაში.
