ეს “დედოფალი” განსასჯელთა სკამზე მას შემდეგ აღმოჩნდა, რაც არასრულწლოვან მოსწავლეს თავისი “შიშველი” ფოტოსურათები გაუგზავნა. 15 წლის ბიჭი იმ სკოლაში სწავლობდა, რომელშიც კარპენტერ ბეარსი პედაგოგად მუშაობდა. მათი მიმოწერა რამდენიმე თვის განმავლობაში მიმდინარეობდა და არავინ უწყის, რა შედეგით დამთვარდებოდა, მოზარდის დედას რომ ვერ შეემჩნია, _ იუწყება Mirror.
28 წლის ახალგაზრდა ქალს წაუყენეს ბრალდება არასრულწლოვანთა შორის უზნეო ფოტოსურათების გავრცელებისთვის.
2014 წელს ბეარსი “მის კენტუკი” გახდა, ორი წლის შემდეგ გათხოვდა, ცოლად გაჰყვა ქვანახშირის მაგნატს, მაგრამ მალე მოსწყინდა მშვიდი და უზრუნველი ცხოვრება და თავისუფლება მოსწყურდა, მხიარული და მწვავე თავგადასავლების სურვილმა დაძლია. უკეთესი ვერაფერი მოიფიქრა და თავის მოწაფესთან ეროტიკული გრძნობების გაღვივებას მიჰყო ხელი. თავისუფალი აღზრდის მეთოდით.
სილამაზის კონკურსში მონაწილეობისას ბეარსმა განაცხადა, რომ ოცნებობდა დამწყებ კლასებში მასწავლებლობაზე. დღეს იგი 10 ათასი დოლარის გირაოს გადახდის სანაცვლოდ გათავისუფლებულია, მაგრამ, თუ სასამართლო ბრალს დაუმტკიცებს, მაშინ 20 წლით ჩაჯდება ციხეში.