ინტერნეტგამოცემა “რუსკაია ვესნას” მიერ გავრცელებული ინფორმაციით, რუსეთის შეიარაღებული ძალების მზვერავებმა ლისიჩანსკთან ტყვედ აიყვანეს უცხოელი დაქირავებულები, მათ შორის ისინიც, ვინც რუსი სამხედროების დასჯაში მონაწილეობდნენ… ლაპარაკია იმ დაქირავებულებზე, რომლებიც ინტერნეტში გავრცელებულ ვიდეოკადრებზე სასტიკად უსწორდებიან რუს ჯარისკაცებს.
“მზვერავების მიერ დაგეგმილი ქმედებებითა და რადიოელექტრონული დაზვერვის მონაცემებით, რუსმა სამხედროებმა შეძლეს დამნაშავეთა ჯგუფში გაერთიანებული პირებისა და მათი ადგილსამყოფელის დადგენა, შემდეგ _ ოპერაციის ჩატარება, რომლის შედეგადაც განადგურდა უცხოელი დაქირავებულების ნაწილი, მეორე ნაწილი კი ტყვედ აიყვანეს”, _ იუწყება გამოცემა.
გიორგი გაჩეჩილაძე