“ნატო ჯერჯერობით მზად არ არის, ჩრდილო–ატლანტიკურ ალიანსში გაწევრების ვადების შესახებ საქართველოს რამეს დაჰპირდეს”, _ განაცხადა ნატოს გენერალურმა მდივანმა იენს სტოლტენბერგმა 29 ივნისს მადრიდში გამართულ პრესკონფერენციაზე, რომელიც ნატოს სამიტის შედეგებს მიეძღვნა.
“რაც შეეხება წევრობას, ჩვენ არ ვაპირებთ თარიღების დასახელებას, _ თქვა გენმდივანმა. _ ჩვენ გავაძლიერებთ როგორც პოლიტიკურ, ისე პრაქტიკულ მხარდაჭერას საქართველოსთვის ახალი პაკეტის საშუალებით, რათა დავეხმაროთ პოტენციალის შექმნაში, აგრეთვე, მედეგობის განმტკიცებაში, მათ შორის ნატოს კიბერსწავლებებში საქართველოს მონაწილეობის გზისა და კრიტიკული ინფრასტრუქტურის დაცვის განვითარებაში”.
საქართველო ნატოსთან 1990-იანი წლებიდან თანამშრომლობს.
ლუკა მაისურაძე
