ბრიტანულ გამოცემა Times–ზე დაყრდნობით vz.ru წერს, რომ გერმანელი გამომძიებლები, რომლებიც 2022 წლის სექტემბერში “ჩრდილოეთის ნაკადის” ბუნებრივი აირის მილსადენებზე მომხდარს იძიებენ, არ გამორიცხავენ ვერსიას, რომ აფეთქება დასავლეთის ერთ–ერთმა სახელმწიფომ მოაწყო, რათა შემდეგ მომხდარში რუსეთი დაადანაშაულონ.
გერმანელმა გამომძიებლებმა სარწმუნო მტკიცებულებების მოპოვებაში წინ ძალიან ცოტა წაიწიეს, მაგრამ არ გამორიცხავენ თეორიას, რომ აფეთქება დასავლურმა სახელმწიფომ მოაწყო, რათა შემდეგ რუსეთი დაადანაშაულონ. ენერგეტიკის საკითხებში აშშ-ის სახელმწიფო დეპარტამენტის ყოფილი მრჩეველის განცხადებით, გასაკვირი არ არის, რომ მილსადენებზე ტერორისტული თავდასხმის საქმეზე მტკიცებულებების გამოვლენის პროცესი ჯერ არ დასრულებულა, რადგან, მისი თქმით, წყლის ქვეშ ასეთი გამოძიებები ყოველთვის მოითხოვს დიდ დროს და შეიძლება ვერასოდეს მოიძებნოს უდავო მტკიცებულებები.
მანამდე, Fox News-ის წამყვანმა ტაკერ კარლსონმა განაცხადა, რომ “ჩრდილოეთის ნაკადების” მილსადენების აფეთქებების გამო აშშ-ის სახელმწიფო მდივნის მოადგილე ვიქტორია ნულანდის სიხარული დივერსიაში ბაიდენის ადმინისტრაციის მონაწილეობაზე მიუთითებს.
მოამზადა ლუკა მაისურაძემ