იტალიის ყოფილი პრემიერმინისტრი სილვიო ბერლუსკონიმ რუსეთის პრეზიდენტთან შეხვედრაზე სოციალურ ქსელში დაწერა.
“შეხვედრამ დაადასტურა ჩვენი დამოკიდებულება ურთიერთპატივისცემის, მეგობრობისა და პირადი ერთგულების მიმართ. ძალიან მნიშვნელოვანია მხარდაჭერა ურთიერთობისა რუსეთსა და იტალიას შორის და რუსეთსა და ევროპას შორის. “წინ, იტალია!” (ბერლუსკონის პარტია _ ნ.გ.) განაგრძობს ძალისხმევის გამოჩენას, რათა დაიძლიოს ანტირუსული სანქციების უსამართლო და არაეფექტიანი მექანიზმი”, _ დაწერა ყოფილმა პრემიერმა “ფეისბუკში”.
რუსეთის პრეზიდენტი იტალიაში 4 ივლისს ჩაფრინდა. მან მოლაპარაკებები გამართა ამ ქვეყნის პრემიერმინისტრ ჯუზეპე კონტესა და რომის პაპ ფრანცისკესთან. პრესკონფერენციაზე კონტემ აღნიშნა, რომ სევდა ეუფლება ყოველთვის, როცა აუცილებელია რუსეთისთვის სანქციების გახანგრძლივება.
