ინგლისის ბანკის ინდექსი, რომელიც ბრიტანეთის სავაჭრო პარტნიორების ვალუტის კალათაში გირვანქა სტერლინგის შეფარდებას აღნიშნავს, რეკორდულად დაეცა. ინდექსმა 73.38 პუნქტამდე დაიწია.
“ფაინენშელ თაიმსის” ინფორმაციით, ასეთი მაჩვენებელი გაერთიანებულ სამეფოში ბოლოს 168 წლის წინათ აღინიშნა. მსგავსი კრიტიკული პერიოდი ბრიტანულ ვალუტას 1930-იან წლებშიც არ ჰქონია, როდესაც ქვეყანამ ოქროს სტანდარტზე უარი თქვა. როგორც ანალიტიკოსები ვარაუდობდნენ, თუ ბრიტანეთი ევროკავშირში არ დარჩება, შესაძლოა, ფრანკფურტმა ლონდონს ევროპის უმსხვილესი საფინანსო ცენტრის სტატუსი ჩამოართვას.
