ტელეკომპანია კავკასიის დირექტორი, ნინო ჯანგირაშვილი, ამბობს, რომ საზოგადოებრივ მაუწყებელში 1300 თანამშრომლიდან, დაახლოებით, 500 მკვდარი სული მუშაობს და კარგი მენეჯერი მოვალეობა სწორედ ამის გარკვევაა. ხოლო ამ მკვდარი სულების გამო კეთილსინდისიერი თანამშრომლები არ უნდა დაიჩაგრონ.
ამის შესახებ მან მან გადაცემა არჩევანში საზოგადოებრივი მაუწყებლის კონსულტანტთან ფინანსურ საკითხებში იკამათა.
„ნორმალური, კეთილსინდისიერი ახალი მენეჯერი, პირველ რიგში, ადამიანური რესურსების მართვის თუ შესწავლის ჯგუფებს მოიყვანდა და იმას გაარკვევდა, იქ რამდენი მკვდარი სულია. მიმიყვანეთ, გინდათ და ერთ კვირაში გეტყვით, რამდენი მკვდარი სულია,“ – აცხადებს ტელეკომპანია კავკასიის დირექტორი, ნინო ჯანგირაშვილი.
