ევროპარლამენტის 2 მძღოლს, რომლებიც კერძო კომპანიის მეშვეობით იყვნენ დაქირავებულნი, ე.წ. ისლამური სახელმწიფოს პროპაგანდისტული მასალები უპოვეს.
დაკავებულთაგან ერთი მძღოლი _ სტრასბურში, მეორე კი ბრიუსელში მუშაობდა. ორივეს ისლამისტური პროპაგანდისტული მასალების შემცველი დისკი აღმოუჩინეს. ისინი სამსახურიდან დაითხოვეს და მათ წინააღმდეგ მიმდინარეობს გამოძიება.
ამჟამად ევროპარლამენტს კერძო ფირმების 65 მძღოლი და ინდივიდუალურად დაქირავებული 23 მძღოლი ემსახურება.