“ჩვენი წინაპრები ხერხემალზე ოპერაციებს არ იკეთებდნენ!”

უამრავ ადამიანს აწუხებს წელის ტკივილი ამა თუ იმ ფორმით, ტანჯავს ქრონიკული დაავადებები: რადიკულიტი, დისკოზი, პროლაფსი, პროტრუზიო, დისკოპათია, ართროზი, იშიაზი, მარილების დაგროვება, ნერვის ანთება. ჩემდა საბედნიეროდ, გავიცანი ადამიანი, ექიმი ნუგზარ თაბუნიძე, რომელიც ზემორე დაავადებებს თაბუნიძეთა საგვარეულო მეთოდით მკურნალობს. 

ეს ძირძველი მესხური გვარია, რომლის წარმომადგენლები  თავიანთი საგვარეულო მეთოდით, საუკუნეებია, მკურნალობენ ადამიანებს. სულხან–საბა ორბელიანის განმარტებით, “თაბუნი” არაბული წარმოშობისაა. “თაბიბი ნახეთ აქიმი”, _ ამბობს საბა და განმარტავს, რომ “აქიმი” იგივე “ექიმია”,  რომ “თაბუნი” არაბული წარმომავლობისაა. ამრიგად, “თაბუნობა” ყოფილა “სააქიმო” მიმდევრობა და “სააქიმო” პროფესია, რომელიც გვარითა და მემკვიდრეობით გადადიოდა საუკუნეების მანძილზე. უკვე ოთხ ათეულ წელზე მეტია, ბატონი ნუგზარი აგრძელებს წინაპართა ტრადიციას და ითვლება უბადლო მკურნალად.

_ ბატონო ნუგზარ, თქვენზე ჩემი მეგობრისგან შევიტყვე… თქვენ უოპერაციოდ მკურნალობთ ხერხემლისა და სახსრების დაავადებებს, ნუთუ ეს ყველაფერი მხოლოდ წინაპრების შემონახული რეცეპტებით დამზადებული წამლების დამსახურებაა? ძირითადად, რა მეთოდებით მკურნალობთ?

_ დიახ, ეს არის ფიტოთერაპია, მანუალური თერაპია. პროფესიით ექიმი გახლავართ, სამედიცინო განათლება მაქვს და, თუ საჭიროა, კლასიკურ მედიცინასაც ვიშველიებ. ჩვენი საგვარეულო წამალი რამდენიმე ათეული ბალახისგან მზადდება და სამი სახისაა: დასალევი, ანუ შინაგანი, სხეულზე წასასმელი სითხე და ასევე მალამო. ყველა ეს წამალი სერთიფიცირებული და ლიცენზირებულია. უოპერაციოდ ვმკურნალობ დისკოზს, პროლაფსს, პროტრუზიოს, დისკოპათიას.

_ თქვენთან უამრავი პაციენტი მოდის, წყნეთის ქუჩის #3 საკმაოდ ცნობილი მისამართია. რამდენად რთული მდგომარეობით მოდიან თქვენთან და რამდენად შედეგიანია აქ მკურნალობა იმედგადაწურული პაციენტებისთვის?

_ მახსოვს, პატარა რომ ვიყავი, ჩემს სოფელში ურემზე დაბმული ხალხი როგორ ბღაოდა ტკივილისგან. მამაჩემთან მოყვანის შემდეგ _ ნახევარ საათში ან რამდენიმე დღეში ფეხზე დგებოდნენ და სიხარულით მიდიოდნენ სახლში. მართლაც სასწაულებს ვუყურებდი ჩემს ბავშვობაში.

უკვე 42 წელია, ამ საქმეს ვემსახურები. უამრავი ნაოპერაციები, უიმედო, მართლაც იმედგადაწურული ადამიანი მოდის ჩემთან. ვმკურნალობ ისე, როგორც უწინ _ ჩემი წინაპრები, რადგან დაავადებები არ შეცვლილა, იგივეა.

ჩვენი წინაპრები კი ხერხემალზე ოპერაციას არ აკეთებდნენ. ჩემთან მოსულ პაციენტსაც არ სჭირდება ოპერაცია.

მადლიერი პაციენტების უამრავი ჩანაწერი მაქვს.

ჩემთან დაკავშირება შესაძლებელია მობილურზე 599-22-11-66.

ესაუბრა

ნანიკო ითაშვილი