შეწყდეს უგუნური გამონათქვამები რუსეთის პრეზიდენტ ვლადიმერ პუტინის მიმართ და დაიწყოს კონსტრუქციული დიალოგი რუსეთთან. წერილი ამ მოთხოვნით 27-მა ორგანიზაციამ გაუგზავნა პრეზიდენტ ჯო ბაიდენს.
წერილის ავტორები მიუთითებენ, რომ ისინი ღრმად არიან შეშფოთებული ორ ბირთვულ სახელმწიფოს შორის ურთიერთობის გამწვავებით. აშშ-ის პრეზიდენტს მოუწოდეს, მოსკოვთან გაააქტიუროს მოლაპარაკებები შეიარაღების საკითხებზე, ამასთანავე, ბაიდენს შეახსენეს მისი განცხადება, რომ დიპლომატია იქნება აშშ-ის პოლიტიკის ცენტრში.
წერილს ხელს აწერენ უფლებადამცველები, იურისტები, ჟურნალისტები და სხვ., მათ შორის არიან ბაიდენის მომხრეებიც.
Vesti.ru–ზე გამოქვეყნებული მასალის მიხედვით მოამზადა გიორგი გაჩეჩილაძემ