Home სხვადასხვა Facebook ფრაზები ჟორჟოლიანი: გვარამია არის ხელმძღვანელი, რომელთანაც მე ნამდვილად მქონია კამათი

ჟორჟოლიანი: გვარამია არის ხელმძღვანელი, რომელთანაც მე ნამდვილად მქონია კამათი

3277

 

ჟურნალისტი ნანუკა ჟორჟოლიანი სოციალურ ქსელში, ტელეკომპანია  რ2 ირგვლივ განვითარებულ მოვლენებზე სტატუსს აქვეყნებს:

 “კაკოს პირველი პოსტი უკომენტაროდ დავტოვე. მიუხედავად იმისა, რომ რ2 ჩემიცაა. (2001-2009) (2012-2018) კი გამოვიდა 14 წელი და ეს ნამდვილად ბევრია, როცა თავად ხარ 38 ის:) თან, კაკო არის ადამიანი, რომელსაც პატივს ვცემ, წლები მაკავშირებს. უბრალოდ, მეორე განცხადებაში გაკეთებულმა მინიშნებამ, “კარგია ვერავინ თქვაო..” საჭიროდ ჩავთვალე მეც მეთქვა რაღაც:)
ნიკა გვარამია არის ხელმძღვანელი, რომელთანაც მე ნამდვილად მქონია კამათი, თან ცხარე. მაშინ როცა რ2-ის წილების გადანაწილება მიდიოდა. საჯარო პოსტიც კი დავდე, როგორ არ ვეთანხმებოდი მათ, ( დღეს უკვე წასულ- წამოსულებს) როცა სხვების ქონებას ინაწილებდნენ. იქნებოდნენ ესენი ყარამანიშვილები, თუ ქიბარ ხალვაში.
მაშინ ძალიან ცოტამ გაბედა ნიკასთვის იმის თქმა, რომ იდეა არ იყო სწორი. პირიქით, არწმუნებდნენ, რომ სხვების ქონებაზე დაპატრონება ერთადერთი სწორი გზა იყო. ჩავარდა ეს გეგმა და სად არიან ის ადამიანები, რომლებიც მაშინ %ებს აქტიურად იწერდნენ? თორემ დღეს, ვინც არხზე დავრჩით, თითქმის ყველამ უარი ვთქვით “წილებზე”. ამდენი რატომ ვწერე, ნიკასთან განსხვავებული აზრის დაფიქსირება სულაც არაა პრობლემა.
შეიძლება ნიკა გაღიზიანებდეს, არ ეთანხმებოდე, მაგრამ სარედაქციო პოლიტიკაში ჩარევა დააბრალო, ისეთივე არასწორია, როგორც მაშინ, სხვების ქონების გადანაწილება.
ყველაზე მეტად თუ რამე მომწონს ამ უფულო ტელევიზიაში:)) ჩემის საქმის გარდა, დამოკიდებულებებია ერთმანეთის მიმართ, რაც გვაძლებინებს და მტერს აფიქრებინებს, რომ “გიჟები” ვართ, ამ სიტყვის ყველაზე კარგი გაგებით. იმედია, კაკოს პოსტი ბოლოა, რომელმაც კიდევ ერთხელ მათქმევინა, “მეგონა აღარაფერი გამაკვირვებდა”

 

1 COMMENT

  1. როდის გახდით უფულო ტელევიზია?! ეს ის ტელევიზია არაა ერი და ბერის გარყვნაში აქტიურად რომ უწყობდა ყველა მთავრობას ხელს?! ხომ არ მეშლება რამე?! ხალხს რომ შიოდა ამ ტელევიზიას ტაშფანდური და დაპიდუპი რომ გაჰქონდა ეს ის ტელევიზია არაა?! თუმცა პროფესიონალები კი ივნენ მაგრამ რაც მაგათ ხალხის ფულები ჭამეს არ უნდა ჩამოვარდნოდნენ მსოფლიო ტელევიზიებს ესენი კი ხალხის დადებილებას ახმარდნენ ჩვენი ფულით გამძღარ ტვინებს.ამას წინათ ვლადიმერ პოვზნერმა მთელ რუს ხალხს მოუხადა ბოდიში კომუნისტურ ხანაში და შემგომ მთავრობებს რომ მხარში ვედექიო მოინანია და ეკლესიები ააშენა და მერე ამ ხალხს რა და მერე ჩვენ რა?! ჩვენს გაბადგურებაშიც ხომ მიიღებდა ის მცირედ წვლილს მაინც… და თვქენ რომ ეკლესიებს ააშენებთ მერე ჩვენ რა…

გაიარეთ ავტორიზაცია კომენტარის დასამატებლად: ევა Cancel reply

Please enter your comment!
Please enter your name here