ექსპერტი პოლიტიკურ საკითხებში, 2002-2004 წლებში NDI-ის საქართველოს ბიუროს დირექტორი ლინკოლნ მიტჩელი სააგენტო “აიპრესთან” ინტერვიუში რუსეთის მცოცავი ოკუპაციის შესახებ საუბრისას აღნიშნავს, რომ ისედაც ყველასთვის ნათელ სიტუაციაში, სადაც რუსეთი ყოველდღიურად ცდილობს ქართული მხარის პროვოცირებას, საქართველომ, თავის მოკავშირეებთან ერთად, რუსეთის მიერ ოკუპირებულ ტერიტორიებზე მცხოვრები ხალხის მხარდაჭერა და მათთან მუშაობა უნდა გააგრძელოს, ვინაიდან, იქ მცხოვრებ ხალხთან კონტაქტი ყოველდღიურად, პერმანენტულად იკარგება.
– მცოცავი ოკუპაცია ჩვენთვის ის საკითხია, რომელიც არასდროს კარგავს აქტუალობას და რუსეთი ყოველ დღე ცდილობს, გადმოიწიოს საქართველოს ტერიტორიებისკენ. ხშირად გვესმის შეშფოთებები, მაგრამ შეშფოთებები რუსულ ოკუპაციას ვერ აჩერებს. რეალურად, რა გამოსავალი არსებობს ამ სიტუაციიდან?
“ცხადია, შეშფოთება ამას ვერ შეაჩერებს, თუმცა შეუმჩნეველი არ უნდა დარჩეს ის, რომ შეერთებული შტატების პოზიცია რუსეთთან მიმართებაში იცვლება.
დავუშვათ, პუტინი ხვალ რომ საქართველოში შემოიჭრას, ცხადია, ამერიკა მას ვერ შეაჩერებს. მაგრამ ეს ისედაც ყოველთვის ასე იყო. ჩვენ ეს სიტუაცია ვნახეთ ყირიმის შემთხვევაში, აღმოსავლეთ უკრაინის შემთხვევაში, სადაც რუსეთის შემოჭრას საპასუხოდ დასავლეთისგან სანქციები მოჰყვა. აღსანიშნია, რომ მათ ამაზე მეტის გაკეთება შეეძლოთ. თუმცა, არ მჯერა, რომ ამ ეტაპზე ეს მოხდეს, ვინაიდან რუსეთს ეს რომ ნდომოდა, გააკეთებდა. ამით რეალურად ისინი არაფერს მიიღებენ. იმის გამო, რაც მათ აფხაზეთსა და სამხრეთ ოსეთში ჩაიდინეს, საქართველოში არასტაბილური სიტუაცია შექმნეს. საქართველო არც NATO-ში გაწევრიანების დღის წესრიგში არაა, რასაც მოსკოვი მშვენივრად აცნობიერებს, ვინაიდან, ასე რომ არ იყოს, რაღაცები სხვაგვარად იქნებოდა.
რასაც რუსეთი ამ ეტაპზე აკეთებს, აგრძელებს პროვოცირებას, რაც გამოიხატება სროლებით, გატაცებებით, საზღვრების გადმოწევით და ა.შ. ესაა მათი სტრატეგია, ისინი გააგრძელებენ ამ სტრატეგიის მიხედვით მოქმედებას. ეს კი საქართველოს არაფერს არგებს და მას რთულ სიტუაციაში აყენებს. პრობლემა კვლავ არსებობს, რაც ისედაც ყველამ იცის, თუმცა ეს ყველაზე მთავარი პრობლემა არაა. ამასობაში კი, ყოველდღიურად, ეს რეგიონები საქართველოს დანარჩენ ტერიტორიებთან უფროდაუფრო კარგავს კონტაქტს, ადამიანები, რომლებსაც ახსოვს, რომ ეს ტერიტორიები საქართველოს ნაწილი იყო, იხოცება, დრო გადის. ასე რომ, საქართველო მართლაც რთულ ვითარებაშია, მკვეთრს ვერაფერს მოიმოქმედებს. ჩემი აზრით, რაც ამ შემთხვევაში შეიძლება გაკეთდეს, საქართველომ, დასავლეთელ მოკავშირეებთან ერთად, მხარი უნდა დაუჭიროს და გააგრძელოს არა დე ფაქტო ხელისუფლებებთან, არამედ იქ მცხოვრებ ხალხთან მუშაობა”, – აღნიშნავს მიტჩელი.
ცნობისთვის, ლინკოლნ მიტჩელი 2002-2004 წლებში NDI-ის საქართველოს ბიუროს დირექტორი იყო. მიტჩელი სხვადასხვა დროს მუშაობდა პოსტსაბჭოთა ქვეყნებში, აღმოსავლეთ ევროპაში, ახლო აღმოსავლეთში, აფრიკასა და აზიაში, ასევე წლების განმავლობაში მუშაობდა საარჩევნო კამპანიების პოლიტიკურ მრჩევლად ნიუ-იორკში. 2012 წლის საარჩევნო კამპანიის დროს იყო კოალიცია “ქართული ოცნების” მრჩეველი.
კონსტანტინე ჩიკვილაძე
მილიონჯერ უთქვამთ და დაუწერიათ,რომ ყველა ბერკეტი არის რუსეთის ხელში და ეს სინამდვილეში ასეა!ახლა უტიფარ ყეყეჩებს რომ არ უნდათ ეს აღიარონ,ეს ვისი ბრალია?! ეს უფრო მწვავე სახეს მიიღებს და საქართველი უფრო დაჩაჩანაკდება…..!გააგრძელეთ უტიფრობა და საქართველო აყვავდება!რუსი ვისაც უყვარს და ენატრება,ეს მისი პრობლემაა,მაგრამ რაც დავწერე,ეს არის სიმართლე!მალე რუსს ვეღარავინ ვერც დაელაპარაკებით,ენის ცოდნის მაგარი პრობლემაც დადგა ქვეყანაში,არაკომპეტენტური თანამდებობის პირებით სავსე მთავრობა.ტოტალური უცოდინრების დიდი გროვა,რომელმაც არც თავისი იცის და არც სხვისი არ უნდა გაიგონოს!რუსებს აწყობს ასეთი “გაჩუმებული”საქართველო! ყველაფერს ისე აკეთებს ჩვენი არაკომპეტენტური და გაუნათლებელი მთავრობის წევრები,რომ რუსეთის წისქვილზევე ასხამთ წყალს!გიხაროდენ! საქართველო აყვავდებ-გაიფურჩქნება თავისით!
SAKARTVELOS MOSAXLEOBIS 90 % — ZE METI UKIDURESI SIDEBILIS ZGVARZEA DA AMITOM HGONIAT ASE ROM —“SAKARTVELO GABRTSKINDEBA” –O; SAKARTVELO AXLATS GABRTSKINEBULIA —- TAVISI MTEBIT , VELEBIT DA ULAMAZESI BUNEBIT, MAGRAM… SUL RAGATS 20 TSELITSADSHI 100 ATASI KARTVELI ROM DZLIVSGA IKNEBA DARCHENILI DA JIBESKELI UTXOELEBIS XELSHI ROM CHAVARDEBA, UFRO METADATS GABRTSKINDEBA; ALBAT, AMAS GULISXMOBEN IS “JIPOSANI” ZOGIERTI UMETSREBIS MAMEBI, ROTSA GAMODIAN DA MATI SXVREBIVIT ENACHAGDEBULI “SAMTSKSOS ” TSINASHE AMBOBEN: “SAKARTVELO GABRTSKINDEBA” ! –O; TVITON, AXLATS “GABRTSKINEBULNI ARIAN MTREBIS MIER “CHAFULIANEBULEBI”… SXVREBMA IKITXON, SXVREBMA…