ესპანელმა კულინარებმა ლუდისგან ნაყინი დაამზადეს და მას Enigma Origen უწოდეს.
დესერტი წარმოდგენილი იქნა გასტრონომიულ გამოფენა, რომელიც მადრიდში 24-27 აპრილს მოეწყო. აღნიშნულ ნაყინზე მუშაობდა ლუდის სახარში კომპანია Cervezas Enigma-ს რამდენიმე წარმომადგენელი და ნაყინის მწარმოებელი კომპანია Acaram Helados-ი.
აღსანიშნავია, რომ დესერტი დამზადებულია ნატურალური პროდუქტებისგან, ყოველგვარი არომატიზატორებისა და კონსერვანტების დამატების გარეშე. ნაყინი ღია ქარვისფერია, აქვს შოკოლადის, კაკაოსა და კარამელის გემო, რომელიც დამახასიათებელია ლუდის ერთ-ერთი სახეობისთვის, რომელსაც კომპანია Cervezas Enigma აწარმოებს.
მომავალში ლუდის ნაყინის შეკვეთა შესაძლებელი იქნება ესპანეთის ზოგიერთ რესტორანში.
შარშან სამხრეთ კორეაში დაიწყეს “ნაბახუსევის საწინააღმდეგო” ნაყინის წარმოება. დესერტი სახელწოდებით “გამაგრდი” შეიცავს ხის _ ტკბილი ჰოვენიის წვენს, რომელიც კორეაში ჯერ კიდევ XVII საუკუნიდანაა ცნობილი, როგორც ბახუსის საწინააღმდეგო საუკეთესო საშუალება.
