“გუგლის” ახალი ფუნქცია

კორპორაცია “გუგლმა” საძიებო და ახალი ამბების სერვისს დაუმატა მონაცემთა შემოწმების მექანიზმი. ამის თაობაზე იტყობინება გამოცემა Verge.

გამოცემა საზოგადოებას ამცნობს, რომ “გუგლი” ინფორმაციის სისწორეს  სპეციალური რესურსების მეშვეობით შეამოწმებს.

მაგალითად, მოთხოვნის გრაფაში მითითებულია: “27 მილიონი ადამიანი დღეს მონაა”. ძებნის ხაზში აღნიშნულია: “შემოწმებულია ფაქტობრივ შეცდომებზე: პრაქტიკულად სწორია”.

როგორც გამოცემა წერს, “გუგლის” ეს ფუნქცია  ინტერნეტმომხმარებლების ყურადღებას მიიქცევს, მაგრამ ვერ აღკვეთს “ფეიკური” ახალი ამბების გავრცელებას “გუგლის” პლატფორმაზე.