თუ მთავრობა გადაწყვეტს, საბოლოოდ დაუჭიროს მხარი თერმობირთვული რეაქტორის მშენებლობას, მაშინ ათი წლის შემდეგ ჩინეთში შეიქმნება შესაძლებლობა, ელექტროენერგია მიიღონ “ხელოვნური მზისგან”, _ იუწყება South China Morning Post–ი.
ჩინელი მეცნიერები ატარებენ ექსპერიმენტს თერმობირთვული რეაქციის მეშვეობით ენერგიის მიღებაზე. სავარაუდოა, რომ 2060 წლამდე ქვეყანაში დაიწყება თერმობირთვული ელექტროსადგურების მასობრივი მშენებლობა, რადგან ეს ბოლო ვადაა, როცა ჩინეთმა უნდა მიაღწიოს დასახულ მიზნებს ატმოსფეროში მავნე აირების გამოყოფის შემცირების მხრივ.
“ჩინეთში პირველი თერმობირთვული რეაქტორის მშენებლობა შეიძლება 2030 წლის დასაწყისისთვის დასრულდეს, თუ პეკინი მოიწონებს ამ პროექტს და მხარს დაუჭერს”, _ განაცხადა პლაზმური ფიზიკის ინსტიტუტის დირექტორმა, პროფესორმა სუნ იუნტაომ.
თერმობირთვული სინთეზის ტექნოლოგიას, რომელიც, აგრეთვე, ცნობილია, როგორც “ხელოვნუროი მზე”, შეუძლია უზრუნველყოს სუფთა ენერგიის ულევი მარაგი ისეთი ბირთვული სინთეზის პროცესის მოდელირებით, როგორიც მზის ზედაპირზე მიმდინარეობს.
russian.rt.com–ზე გამოქვეყნებული მასალის მიხედვით მოამზადა
ნიკა კორინთელმა