იტალიის პარლამენტის საბიუჯეტო კომიტეტის თავმჯდომარე კლაუდიო ბორგიმ სოციალურ ქსელში გამოაქვეყნა გამოსახულება ე.წ. mini-BOT–ის _ ევროს პარალელური ნაციონალური ვალუტისა.
BOT _ ეს არის აბრევიატურა Buoni Ordinari del Tesoro-სი, რომელიც ასე ითარგმნება: “ხაზინის ჩვეულებრივი ობლიგაცია”. Mini ნიშნავს, რომ მათი ნომინალი გაცილებით ნაკლებია ჩვეულებრივ ობლიგაციაზე _ სულ 100 ევრო. იტალიის პარალელური ვალუტა სერიოზული საფრთხეა ევროპის ცენტრალური ბანკისთვის, რომელმაც განაცხადა, რომ, თუკი ისეთი დიდი ქვეყანა, როგორიც არის იტალია, გავა ევროზონიდან და გამოაცხადებს დეფოლტს ევროპის ცენტრალური ბანკის წინაშე, სუვერენული ვალის კრიზისი აუცილებლად ჰპოვებს გამოძახილს ესპანეთსა და პორტუგალიაში.
