2016 წელს შინაგან საქმეთა სამინისტროს მომსახურების სააგენტოს მიერ იარაღის შეძენის ნებართვა 12 400 პირზე გაიცა. ამასთანავე, 2016 წელს ცეცხლსასროლი ან აირის იარაღის გამოყენების წესების ცოდნაში გამოცდა 6 789 პირმა ჩააბარა.
კანონის თანახმად, თუკი იარაღის შემძენს უკვე ჩაბარებული აქვს შესაბამისი გამოცდები, ახალი იარაღის შეძენის ნებართვის აღებისას აღარ უწევს იარაღის წესების ცოდნაში გამოცდის ჩაბარება.
ცეცხლსასროლი ან აირის იარაღის გამოყენების წესების ცოდნაში გამოცდა 2015 წლიდან ბარდება. შეგახსენებთ, იარაღის ტარების უფლება 23 წელს ზემოთ პირებისთვისაა ნებადართული (2014 წლამდე ნებადართული იყო 18 წლიდან).
