“უკრაინის ხელისუფლება რეგულარულად წარმოაჩენს თავის უუნარობას დონბასის კონფლიქტის მოგვარების საქმეში და ყოველთვის დამოკიდებულია იმაზე, რას იტყვიან აშშ–ში, ამიტომ რუსეთისთვის უფრო მარტივი იქნება, პირდაპირ დაელაპარაკოს ვაშინგტონს, ვიდრე დაელოდოს უკრაინის პრეზიდენტ ვლადიმერ ზელენსკის პასუხს”, _ განაცხადა ტელეარხ NewsOne–ს ეთერში უკრაინის უზენაესი რადის (პარლამენტის) დეპუტატმა, უკრაინის საგარეო საქმეთა სამინისტროს ყოფილმა სპიკერმა ოლეგ ვოლოშინმა.
“რა უნდა ელაპარაკო კიევის ხელისუფლებას, თუკი აქ ბოლო პერიოდში სულ იმას გაიძახიან, _ დაველოდოთ, სანამ ბაიდენი პრეზიდენტის სავარძელში ჩაჯდებაო. გამოდის, ჩვენ უკვე ისეთი გაუგებარი ნახევარკოლონია ვართ, საჯაროდ ამბობენ: რა საჭიროა ზელენსკისთან მოლაპარაკება, დაველოდოთ, რას იტყვის ბაიდენიო. თუ ასეა, რუსებისთვის უფრო მარტივი იქნება ბაიდენთან დალაპარაკება”.
politnavigator.net–ზე გამოქვეყნებული მასალის მიხედვით მოამზადა გიორგი გაჩეჩილაძემ