დონალდ ტრამპი 20 იანვარს გამოსამშვიდობებელი სიტყვით გამოვიდა. ამონარიდები მისი სიტყვიდან თეთრმა სახლმა გაავრცელა.
* ტრამპის თქმით, სახელმწიფოს მეთაურის რანგში მან განამტკიცა “წმიდათაწმიდა იდეა, რომ ამერიკაში ხელისუფლება პასუხიმგებელია ხალხის წინაშე”.
“ჩვენ გავაკეთეთ ის, რისთვისაც მოვედით, და ცოტა უფრო მეტიც”, _ თქვა მან.
* ტრამპმა ხაზგასმით აღნიშნა, რომ ათწლეულების განმავლობაში პირველი პრეზიდენტია, რომელსაც ომი არ დაუწყია.
* “ჩემმა ადმინისტრაციამ აღადგინა აშშ-ის ძალა და ლიდერობა საზღვარგარეთ”, _ განაცხადა ტრამპმა და დასძინა, რომ ილოცებს, რათა აშშ-ის ახალმა ადმინისტრაციამ უზრუნველყოს აშშ-ის უსაფრთხოება და წინსვლა.
ამასთანავე, ტრამპმა აღნიშნა, რომ მისი პოლიტიკური მოძრაობა გზის დასაწყისშია.
* “მინდა იცოდეთ, რომ მოძრაობა, რომელიც შევქმენით, ეს მხოლოდ დასაწყისია!”
rusvesna.su–ზე გამოქვეყნებული მასალის მიხედვით მოამზადა გიორგი გაჩეჩილაძემ