სააგენტო SANA იუწყება, რომ წარმატებით დამთავრდა ქალაქ აბუ-ქემალის გათავისუფლების ოპერაცია.
განცხადებაში ხაზგასმითაა ნათქვამი, რომ “დეირ-ეზ-ზორის პროვინციის გათავისუფლება ნიშნავს “ისლამური სახელმწიფოს” ტერორისტული პროექტის კრახს რეგიონში და იმ ძალების ჩანაფიქრის ჩაფუშვას, რომლებიც მას მფარველობდნენ.
სააგენტო “ფრანს-პრესი” აზუსტებს, რომ ქალაქს უტევდნენ როგორც სირიის რეგულარული არმია, ასევე ბაშარ ასადის მოკავშირეები _ რუსეთის სამხედრო საჰაერო ძალები, ირანისა და ლიბიის გასამხედროებული რაზმები, მათ შორის ჰეზბოლას რაზმებიც.
ამჟამად ტერორისტული ორგანიზაცია “ისლამური სახელმწიფოს” ხელშია მხოლოდ რამდენიმე უმნიშვნელო დასახლებული პუნქტი დეირ-ეზ-ზორის პროვინციაში და ნავთობის ერთ საბადოს აკონტროლებს. ამას გარდა, ტერორისტები აკონტროლებენ დამასკოს ორ შემოგარენს ჰომსის პროვინციაში. ერაყის ტერიტორიაზე “ისლამური სახელმწიფოს” ხელში რჩება ქალაქი, რომელიც რავა სირიის საზღვართან ახლოს მდებარეობს.
