“საქართველოს ყოფილ პრეზიდენტ მიხეილ სააკაშვილს, სისხლის სამართლის ოთხი საქმის მიხედვით, 11 წლით პატიმრობა ემუქრება”, _ განაცხადა საქართველოს მთავარი პროკურატურის პროკურორმა ნათია სონღულაშვილმა უკრაინულ გამოცემა “ობოზრევატელთან” ინტერვიუში.
“საქართველოს მთავარი პროკურატურა მიხეილ სააკაშვილის მიმართ სისხლის სამართლის 4 საქმეს აწარმოებს, რომლებზეც გამოძიება დასრულდა და სამართლებრივი განხილვა მიმდინარეობს.
ყველა საქმეს თბილისის საქალაქო სასამართლო განიხილავს”, _ განაცხადა სონღულაშვილმა.
მიხეილ სააკაშვილს უკრაინის მოქალაქეობა 26 ივლისს ჩამოართვეს. საქართველოს ყოფილმა პრეზიდენტმა უკრაინის მოქალაქეობა 2015 წლის 29 მაისს მიიღო, რის გამოც საქართველოს მოქალაქეობა ჩამოართვეს.
